ოფიციალურად: სუნიგამ “ნაპოლისთან” გაახანგრძლივა

კამილო სუნიგამ ნეაპოლიტანურ კლუბთან ახალ კონტრაქტს მოაწერა ხელი.

ახალი ხელშეკრულების თანახმად, ამ მოთამაშის შეძენის სურვილის მქონე კლუბს, მის სანაცვლოდ 35 მილიონი ევროს გადახდა მოუწევს.

“მე მიყვარს “ნაპოლი” და მისი გულშემატკივრები. ამ ქალაქში ცხოვრებით გახარებული ვარ. ვიმედოვნებ, საფეხბურთო კარიერას სწორედ აქ დავასრულებ”, – აცხადებს კამილო სუნიგა.

შეგახსენებთ, ფეხბურთელის წინა კონტრაქტი მიმდინარე სეზონის დასრულებისას იწურებოდა.

“კამილოსი ყოველთვის მჯეროდა. მას სჯერა ნეაპოლის! იგი დაეთანხმა ჩვენთან თანამშრომლობის გაგრძელებას”, – წერს კლუბის პრეზიდენტი აურელიო დე ლაურენტისი საკუთარ ოფიციალურ Twitter-ის გვერდზე.

სავარაუდოდ, სუნიგა წელიწადში ოთხ მილიონ ევროს, ბონუსების გარეშე მიიღებს.

სანდრო საპანაძე