ორბურთიანი ჩამორჩენა და ბელგიის ნაკრების დიდებული ქამ-ბექი ბოლო წამზე (ვიდეო)

2 ივლისს მსოფლიოს ჩემპიონატის მერვედფინალური ეტაპის კიდევ ერთი ძალიან საინტერესო და დაძაბული მატჩი გაიმართა, სადაც ერთმანეთს ბელგიისა და იაპონიის საფეხბურთო ნაკრებები დაუპირისპირდნენ.

მატჩის პირველ ნახევრს ძირითადად დაზვერვითი ხასიათი ჰქონდა, რასაც ვერ ვიტყვით მეორე ტაიმზე. იაპონელებმა ბრწყინვალე ბრძოლისუნარიანობა და მებრძოლი სულისკვეთება გამოიჩინეს და ევროპელებს ზედიზედ ორი გოლი გაუტანეს საწყის ათ წუთში – ჯერ ჰარაგუჩიმ ისარგებლა ალდერვაირელდის შეცდომით, შემდეგ ინუიმ შეასრულა ბრწყინვალე დარტყმა.

შოკიდან გამოსვლა ძალიან გაუჭირდათ ბელგიელებს, თუმცა რობერტო მარტინესის სწორი შეცვლების ხარჯზე, ჯერ ვერტონგენმა შეძლო გატანა (69′), შემდეგ კი შეცვლაზე შემოსულმა მარუან ფელაინიმ (74′). საბოლოო ანგარიში კი შადლიმ დააფიქსირა შეხვედრის ბოლო წამზე, მაშინ როცა ყველა დამატებითი ტაიმებისთვის ემზადებოდა.

ასე რომ, მეოთხედფინალში ბრაზილიისა და ბელგიის ნაკრებების ბრწყინვალე დაპირისპირებას ვიხილავთ.