ოთხი კვირა ჯერარდის გარეშე?
თარიღი: დეკემბერი 9, 2013
„ლივერპულის“ ნახევარმცველი სტივენ ჯერარდი, სავარაუდოდ, ინგლისის პრემიერლიგის საშობაო პერიოდის მატჩებს გამოტოვებს.
ბრიტანული ინტერნეტ-გამოცემა „ტელეგრაფის“ ცნობით, მერსისაიდული გუნდის კაპიტანმა კვირას სამედიცინო შემოწმება ჩაიტარა, რის შედეგადაც გამოჩნდა, რომ 33 წლის ფეხბურთელს მუხლქვედა მყესის ტრავმა აქვს.
აღნიშნული დაზიანების გამო შესაძლოა, ჯერარდმა ოთხი კვირა იუქმოს. ეს იმას ნიშნავს, რომ ინგლისელი ნახევარმცველი „ტოტენჰემ ჰოთსპირთან“, „კარდიფთან“, „მანჩესტერ სიტისთან“ და ლონდონის „ჩელსისთან“ გასამართ მატჩებს გამოტოვებს.
ბექა დოგრაშვილი
მსგავსი სიახლეები