ბათუმის “დინამო” ხვიჩა კვარაცხელიას დამატების შემდეგ ძალიან ბევრ სარგებელს მიიღებს და მათ შორის, გულშემატკივრის მხრიდან გაზრდილი ინტერესი იქნება.

ხვიჩას შეუძლია სტადიონზე 3-ჯერ მეტი გულშემატკივარი მიიყვანოს და ყოველ თამაშზე ანშლაგი იყოს. თან, ბათუმის სტადიონს დამსწრეები ისედაც არ აკლია.

პირობითად, თუ საშინაო მატჩებზე 20 ათას კაციანი არენა შეივსება და ბილეთები 5, 10 და 15 ლარიანები იქნება, “დინამო” დაახლოებით, ყოველ თამაშზე 150 – 160 ათასი ლარის მიღებას შეძლებს და მსგავსი თანხა საქართველოს ჩემპიონატის კვალობაზე უპრეცედენტო იქნება.

საუბარი მაქვს მხოლოდ ეროვნულ ლიგაზე, სადაც 15 სახლის შეხვედრია დარჩენილი და შესაძლებელია, 2 მილიონ 200 ათასზე მეტი ლარის მიღება. ასევე, ძალიან ბევრს მოუნდება მისი მაისურის შეძენა და ეს დამატებითი ბენეფიტია.

გარდა ამისა, როგორც ცნობილი გახდა, ხვიჩას ხელფასს სრულიად ამ პერიოდის განმავლობაში ბათუმი გადაუხდის. საერთოდ, ხშირია, როცა იჯარის პერიოდში ხელფასს ორივე გუნდი ინაწილებს ხოლმე. 

შენიშვნა: რა თქმა უნდა, ზუსტი თანხის მითითება შეუძლებელია, თუმცა ძალიან ცუდ შემთხვევაშიც, 2 მილიონზეც ნაკლები მაინც არ უნდა იყოს.

თბილისის “დინამოს” მთავარმა მწვრთნელმა კახა ცხადაძემ გადაცემაში “სპორტი იმედზე” ხვიჩა კვარაცხელიაზე ისაუბრა.

“მისი მთავარი ამოცანა სივრცების მოძებნა იყო და ხიფათის შექმნა. იმდენად განათლებულია, იმდენად დიდი ტალანტია, რომ ყველაფერი შეუძლია. თან, აბსოლუტურად გათავისუფლებული იყო დაცვითი მოვალეობებიდან.”

გადაცემის წამყვანმა დიმა ობოლაძემ აღნიშნა: “კვარაცხელიას მდგომარეობა არ არის მარტივი, ფსიქოლოგიურად გათავისუფლდა. იქ უფრო მეტს ლანძღავდნენ თუ აქ, ვერ გეტყვი. ჩვენ, საერთოდ, მოთმინების უნარი არ გვაქვს. ახლა დაწყნარდება, სახლშია, მხარდაჭერას იგრძნობს”.

ცხადაძე: “ლანძღვა ეს საბჭოთა მენტალიტეტია, ბათუმში თამაშისას ერთი კაცი 90 წუთი თავთან მეჯდა და მლანძღავდა. “სიტი” გავარდა და 22 ათასი კაცი მღეროდა. ეს მენტალიტეტია. ფაქტი ერთია – ხვიჩა კვარაცხელიამ ბათუმის “დინამოში” დღეს არ უნდა ითამაშოს, ეგ გამოსასწორებელია სასწრაფოდ. არც სხვა რომელიმე ქართულ გუნდში. არის ესეთი ნათქვამი, რომ 1 ნაბიჯს უკან დგამ, რათა 5 წინ გადადგა. ზუსტად ეგ იქნება ერთადერთი მიზეზი და მიზანი ბათუმში ჩამოსვლისა. დარწმუნებული ვარ, ყველაფერი მაგრად გამოვა და კიდევ 10 წელი უმაღლეს დონეზე ითამაშებს”, – განაცხადა კახამ.

კვარასთან ერთად “დინამოში”, დიდი ალბათობით, ზურიკო დავითაშვილიც ითამაშებს.