UFC-ის მებრძოლმა, პედი პიმბლეტმა UFC London-ის ეგიდით გამართულ დაპირისპირებაში საკუთარი მეტოქის დამარცხების შემდეგ კომენტარი ილია თოფურიაზეც გააკეთა.

შეგახსენებთ, რომ ილიამ ჰერბერტთან გამარჯვების შემდეგ პიმბლეტი გამოიწვია.

“მან ნამდვილად კარგი ნოაუტით მოიგო. განსაკუთრებით, მას შემდეგ, რაც სახეში ფეხი მოხვდა, მაგრამ მას რომ მე ფეხი მოვარტყა, აუცილებლად გავთიშავ. თუმცა, როგორც უკვე ვთქვი, ის “ხელის სადეზინფექციო ხსნარის ბიჭუნაა”. ლომებს არ გვაინტერესებს, რას იტყვიან ჩვენზე ცხვრები.

ილიამ თქვა, რომ მე მასთან საბრძოლველად კვერცხები არ მაქვს? ჩემთან ჩხუბი ყველას უნდა, ყველას უნდა, რომ ჩემი კოქტეილები მიირთვას. “ხელის სადეზინფექციო ხსნარ ბიჭუნას” აქამდე არავინ იცნობდა, ის მას შემდეგ გაიცნეს, რაც ჩემთან სიტყვიერი დაპისირპირება დაიწყო”, – განაცხადა პიმბლეტმა.

19 მარტს, UFC London-ის ეგიდით, ილია თოფურიამ ინგლისელი ჯეი ჰერბერტი მეორე რაუნდში ნოკაუტით დაამარცხა. ქართველ მებრძოლს UFC-ში 100-პროცენტიანი შედეგი აქვს – 4 შეხვედრა, 4 გამარჯვება.

აღსანიშნავია, რომ 24 წლის სპორტსმენმა ბრწყინვალე ნოკაუტის გამო ორგანიზაციისაგან ბონუსი – 50 000 დოლარიც მიიღო.

საერთო ჯამში, ილიამ ჯეი ჰერბერტის დამარცხებით, 103 000 დოლარი გამოიმუშავა.

გარანტირებული თანხა: 24 000 დოლარი
მოგების ბონუსი: 24 000 დოლარი
სასპონსორო თანხა: 5 000 დოლარი
UFC-ის ბონუსი: 50 000 დოლარი
საერთო ჯამი: 103 000 დოლარი