ქუთაისის “ტორპედოს” ეროვნულ ლიგაში დარჩენაში უდიდესი წვლილი, მაშინ ჯერ კიდევ თბილისის “დინამოდან” განათხოვრებულმა თორნიკე ახვლედიანმა შეიტანა, რომელმაც გადამწყვეტი გოლი შეაგდო და “მერანთან” საუკეთესო იყო.

“ტორპედომ” 2 დღის წინ მოულოდნელად ბელარუსიდან 23 წლის მეკარე ავთო ლაბაძე დაიმატა, რომელ ტრანსფერსაც ქუთაისელი გულშემატკივარი სიხარულით ნაკლებად შეხვდა.

“ტორპედოს” ფანებისთვის უცნობია, მაგრამ ორივე ფეხბურთელი რამდენიმე წელი საქართველოში ბავშვთა ერთ-ერთი საუკეთესო მწვრთნელის, ვალერი გაგუას ხელმძღვანელობით ვარჯიშობდა და ქუთაისელ ფანებს, როგორც ახვლედიანის, ისე ლაბაძის იმედი სრულებით შეუძლია ჰქონდეთ.

ფაქტია, ახვლედიანმა კლუბი პრაქტიკულად ელიგიდან გავარდნას გადაარჩინა…

მართალია, კვასხვაძე-ჰამზიჩთან კონკურენციის გაწევა საკმაოდ რთულია, მაგრამ ავთოს აქვს ყველა ის მონაცემი, რაც ძლიერ და პერსპექტიულ მეკარეს სჭირდება. თორნიკეზე საუბარი უკვე აღარც არის საჭირო.

ამიტომ, ეროვნულ ლიგაში ქუთათურებს უძლიერესი გუნდი ეყოლებათ და გამარჯვებებში წვლილს ეს ბიჭებიც შეიტანენ.

ბათუმის “დინამოს” დღეს ყველაზე მეტად ორი რამ სჭირდება.

“დინამოს” შემადგენლობაში დღეს ყველაზე სუსტი რგოლი ცენტრალური დაცვაა. ბელგრადის “პარტიზანთან” მატჩიც გამოჩნდა, რომ გუნდის დაცვა კრიტიკას ვერ უძლებს.  განსაკუთრებით, აზაცკი გამოირჩა, რომელმაც ძალიან ცუდად ითამაშა.

“დინამოში” სხვა მცველები – კობახიძე, რეხვიაშვილი და ქაფიანიძე არიან. საჭიროა სოლიდური და კვალიფიციური ლეგიონერი.

გარდა ამისა, “პარტიზანთან” თამაშის დროს რამდენჯერმე საყურებელი ლინკი გაფუჭდა და მას შემდეგ, რაც Europebet-მა სპონსორობაზე უარი თქვა, კლუბს ფოტოგრაფები, სოციალური მედიის მენეჯერები და ციფრული მარკეტერები აღარ ჰყავს, რაც დღემდე ვერ იპოვეს.

მალე ეროვნული ლიგა დაიწყება, “დინამო” კი საქართველოს სახელს ჩემპიონთა ლიგაზე დაიცავს…