კიკბოქსერმა დავით ქირიამ “მტკივნეულ შოუში” სათამაშო ბიზნესის მიმართ დაწესებულ რეგულაციებზე ისაუბრა.
“ძალიან ხშირად მესმის, ყველა შეჯიბრიდან რომ მოვდივარ, მეკითხებიან, დაგხვდნენ? რამე მოგცეს?. სახელმწიფოზეა ეს შეკითხები. მეც ისე, დიპლომატიურად, რაღაც პასუხებს ვცემ. 50-50ზე, რომ არც იმას ვეუბნები, რომ არა, არც ამას რომ, კი მომცეს. ისე ვაბალანსებ. რაღაც სამაგიეროდ, მე თუ არ მომცეს, ახალგაზრდა თაობა წაახალისეს. წინაზე რომ ჩამოვედი, მთელი ჩემი კლუბი ზუგდიდში, ყველაში ინვენტარი, ჩემ სახელზე და ჩემთან ერთად. დავარიგეთ ერთად. 10 000 ლარის ინვეტარიზაცია გავაკეთეთ. სტიმული იყო ჩემი წინა ბრძოლის მოგება.
პროფესიონალური სპორტი მსოფლიოს არცერთ ქვეყანაში არ ფინანსდება, გარდა ჩეჩნეთისა, დაღეტნისა და პოსტსაბჭოთა ქვეყნებისა, რომელშიც ავტომატურად ყველა ოფიცერია. ეს ჩვენთვის უკვე მიუღებელია, რადგან ჩვენ განვითარებადი ქვეყანა ვართ, დემოკრატიულ რაღაცებს ვაწვებით, ცივილურ სამყაროში გვინდა ფეხი შევდგათ და პრეტენზიები გვაქვს. ევროპაში არ არსებობს სახელმწიფო დაფინანსება პროფესიონალურ სპორტში, მაგრამ ევროპაში რა არსებობს. ევროპაში სპონსორობის ინსტიტუტი კარგად აწყობილია და კარგად მუშაობს. საქართველოში ამას აკეთებს გემბლინგ კომპანიები და ახლა შეზღუდვებს უწესებენ. ბიზნესის მხრიდან იყო წახალისება სპორტის, ბიზნესი აფინანსებდა სპორტს. აფინანსებს დღემდე სპორტს და სპორტი ამით საზრდოობს, ვითარდება. ეს არის სწორედ ევროპული სისტემა. იქ ჩემი სპონსორი იყო სამშენებლო კომპანია, ასევე, ცხოველების დანამატებისა და ვიტამინების მწარმოებელი ქარხანა. ჩემი ბოსი კარატისტი იყო, ის იყო ჩემი გულშემატკივარი, მისი შვილი ჩემი ფანი და ტიპი ძალიან სერიოზულ ფულს მაძლევდა ყოველ ჩხუბზე. ის ჩეკები, რასაც მე მაძლევდა, წლის ბოლოს სახელმწიფოს უდებდა და იქედან რაღაც შეღავათებს იღებდა. სახელმწიფო ფულს არ იღებდა, მაგრამ აქეთ კარგ საქმებს აკეთებინებდა. ეს სისტემა და ინსტიტუტი თუ დაინერგა, რაღაც შეღავათი და სტიმული ექნა ბიზნესს, დააფინანსებენ სპორტს და მხოლო 1 ან 2 კომპანიის იმედი აღარ გვექნება.
ერთი მომენტი არის, სახელმწიფომ კარგად იცის, გემბლინგის რეგულაციები სპორტსაც დაარტყამს. რჩება პირობითად ისეთი ბიზნესი, რაც ამათი გაგებით ზიანს არ აყენებს ადამიანს. მაშინ, რაღაც სტიმული უნდა მისცეს, შეღავათი და სპორტს არ შეუწყდეს დაფინანსება. არ ვარ იმის მომხრე, აიძულო ბიზნესი. სჯობს, შესთავაზოს რაღაც პირობები სპორტის დაფინანსების შემთხვევაში.
მაგალითად, მე ვარ ბიზნესმენი, ჩემი გონებით, სწორი გათვლებით ბიზნეს ვაწარმოებ. მე არ ვარ ვალდებული ვიღაც დავაფინანსო, ეს ჩემი პირადი სიმპატიებიდან გამომდინარე ხდება. ამიტომ უნდა დააინტერესო, იძულებით არ გამოვა, უამრავი მექანიზმებია, რაც ჩვენ არ მოგვიგონია და ევროპაში ისედაც არსებობს. სახელმწიფოა იმისთვის არის, რაღაც ჭკვიანური ნაბიჯები გადადგას”, – განაცხადა დავით ქირიამ.
