დღეს, მარტვილში, მურთაზ ხურცილავას სახელობის სტადიონზე “მერანი” შეიკრიბა და ახალი სეზონისთვის მზადებას შეუდგა.

ცოტნე მონიავას გუნდმა 5 ფეხბურთელი დაიმატა: პაპუნა ფონიავა (სამგურალი), ლევან წოწონა, ლაშა ჩალაძე (ორივე ტორპედო), მალხაზ გაგოშიძე (ბათუმის დინამო), თორნიკე მუზაშვილი (ვიტ ჯორჯია)

“მერანიდან” 8 მოთამაშე წავიდა: გიორგი ბეგაშვილი, თენგიზ თოლორდავა, ცოტნე მესხი, ზურაბ ენდელაძე, ნიკოლოზ ხარაბაძე, ვასილ გოგოლიძე, ბაქარ ლაღაძე, დავით ჯიქია

26 წლის გიორგი პაპუნაშვილმა “ტორპედოში” გადასვლის შემდეგ პირველი კომენტარი გააკეთა.

“მადლობას გადავუხდი ხელმძღვანელობას, მთავარ მწვრთნელ გია ცეცაძეს. ჩვენ გვქონდა ვრცელი საუბარი სამომავლო გეგმებზე, როგორ უნდა განვითარდეს “ტორპედო”, რაც ჩემთვის ძალიან მომხიბვლელი იყო. ვიცნობ ძირითად ბირთვს ქუთაისის “ტორპედოს” და მოხარული ვარ, ამ გუნდის წევრობით.”

“ვიცი და ვადევნებ შორიდან თვალყურს. ჯერ აქ მომიწია ბევრი თამაში და ვნახე, თუ როგორ უყვართ “ტორპედო”, როგორი გულშემატკივრობა აქვთ და იმედია გვერდში დაგვიდგებიან, რადგან ახალი გუნდი ვართ, ახალი მიზნებითა და ამბიციებით”

“დღევანდელი ბირთვი გვაძლევს იმის თქმის საფუძველს, რომ შეგვიძლია ვიბრძოლოთ ჩემპიონობისთვის, თასისთვისა და ევროტურნირებზე გასასვლელად”, – განაცხადა პაპუმ.

გიორგი თბილისის “დინამოს” აღზრდილია, უთამაშია ბრემენის “ვერდერის” მე-2 გუნდში, “სარაგოსაში”, “რასინგსა” და “აპოლონში”.

თბილისის “დინამოს” 24 წლის ფებურთელი დავით კობოური კარიერას ჩეხეთის ბოლოადგილოსან გუნდში, “კარვინაში” გააგრძელებს.

კობოურმა გუშინ პირველად ივარჯიშა.

“მას ძალიან მაგარი მონაცემები აქვს, თანაც ცაციაა. ყველაზე მნიშვნელოვანი იქნება ადაპტაცია მალე გაიაროს, რადგან ჩვენი ლიგა საქართველოსგან ძალიან განსხვავდება” – “კარვინას” სპორტული დირექტორი

“ეს ჩემი პირველი უცხოური გუნდია. ცენტრალური მცველი ვარ, მაგრამ მარცხენა ფლანგზეც შემიძლია თამაში. მომწონს აქ”, – განაცხადა კობოურმა.

დავითი “დინამოს” აღზრდილია და კლუბში 100-ზე მეტი აქვს ჩატარებული. ბოლო პერიოდში, ნემსაძე და ცხადაძე მას ნაკლებად ათამაშებდნენ. იყო პერიოდი, კობო მარცხენა შემტევ ნახევარმცველადაც გამოსულა.

“კარვინას” 19 ტურის შემდეგ 0 მოგება და 5 ფრე აქვს.

26 წლის შემტევი ნახევარმცველი გიორგი პაპუნაშვილი “ტორპედოს” შეუერთდა.

“ტორპედომ” მისი ტრანსფერი ოფიციალურად დაადასტურა. პაპუ გუნდს თურქულ შეკრებაზე წაყვება.

გიორგი ბოლოს კვიპროსულ “აპოლონში” ირიცხებოდა, თუმცა სათამაშო პრაქტიკა საერთოდ არ ჰქონდა. მანამდე კი “რასინგში”, “სარაგოსაში”, ბრემენის “ვერდერსა” და თბილისის “დინამოში” უთამაშია.

“ტორპედომ” მის გარდა დინო ჰამზიჩიც დაიმატა.

თბილისის “ლოკომოტივი” ფინანსური პრობლემების გამო 14-მა ფეხბურთელმა დატოვა. მათ შორის, ირაკლი სიხარულიძემ, სანდოხაძემ, უბილავამ, გაბაძემ და სხვებმა.

“ლოკომოტივს” მაროკოელი ულად ომარ იმრანიც დატოვებს. იმრანს შემოთავაზებები, როგორც საქართველოდან, ისე უცხოეთიდან აქვს და კლუბის დატოვება უკვე თავისუფალი აგენტის სტატუსითაც შეუძლია.

მისით ბოლოს ბათუმის “დინამო” ინტერესდებოდა, რომელსაც თბილისის “დინამომ” თორნიკე კირკიტაძის დამატება დაასწრო.

იმრანმა “ლოკოს” მაისურით 44 მატჩში მიიღო მონაწილეობა და 10 გოლი გაიტანა. თბილისურ გუნდში რუმინეთიდან მოხვდა, როცა 100 ათასი ევრო ღირდა, დღეს კი 400 ათას ევროდ არის შეფასებული.

კომპანია Betlive თბილისის “დინამოს” სპონსორი აღარ იქნება. სახელმწიფოს მიერ შემოღებული ახალი რეგულაციების შედეგად, ყველა კაზინომ საფეხბურთო გუნდებთან გააუქმა სასპონსორო ხელშეკრულებები და მათ შორის, “დინამოც” მოხვდა.

შესაბამისად, “დინამოს” 600 ათასი ლარი დააკლდება, რაც გუნდის ბიუჯეტის 15%-ია. თბილისელებს წლიურად დაახლოებით 4 მილიონიანი ბიუჯეტი აქვთ.

კომპანია Europebet ბათუმის “დინამოს” აღარ დაასპონსორებს, Crocobet თბილისის “ლოკომოტივს”.

ბათუმის “დინამო” 30 წლის მეკარეს, გიორგი ბეგაშვილს იმატებს.

ბეგაშვილი ბოლოს მარტვილის “მერანში” გამოდიოდა და დღეს გუნდი ურთიერთშეთანხმების საფუძველზე ოფიციალურად დატოვა.

გიორგი კარიერის განმავლობაში სხვადასხვა ქართულ კლუბში თამაშობდა, მათ შორის, თბილისის “დინამოშიც”. თბილისში გია გეგუჩაძის ხელმძღვანელობით მუშაობდა.

ბათუმელებს თუ რამე არ შეიცვალა უკვე 3 კვალიფიციური მეკარე ეყოლება – კუპატაძე, ალავიძის ჩათვლით. პლუს, ახალგაზრდა ლუკა ხარატიშვილიც.