“მანჩესტერ იუნაიტედის” მთავარმა მწვრთნელმა, ოლე გუნარ სულშერმა, მანჩესტერულ დერბში განცდილი მარცხის შემდეგ პირველი კომენტარი გააკეთა. “ოლდ ტრაფორდელები” “ქალაქელებთან” ორბურთიანი სხვაობით დამარცხდნენ (0:2).
“ძალიან მიჭირს საუბარი. ძალიან ცუდი სტარტი გვქონდა. დე ხეა მაქსიმალურად გვიცავდა, თუმცა მეტოქემ თავის სტილში მაინც შეძლო გოლების გატანა. ასეთი რამ არ უნდა მომხდარიყო.
“ოლდ ტრაფორდზე” ბოლო მატჩში “ლივერპულთან” განცდილი მარცხის შემდეგ ძალიან რთული პერიოდი გვქონდა.
კლუბთან რეგულარული, პირდაპირი და გულწრფელი კომუნიკაცია მაქვს. მე “მანჩესტერ იუნაიტედში” ვმუშაობ და კლუბისთვის საუკეთესო მინდა. ამ დროისთვის ძალიან შორს ვართ უძლიერესი გუნდებისგან, მოთხოვნები კი ძალიან დიდია,” – აცხადებს სულშერი.