ესპანური პრესის ცნობით, “ვალენსიას” მთავარი მწვრთნელი ხოსე ბორდალასი მეკარის პოზიციაზე გარკვეულ ცვლილებებს გეგმავს და ჰოლანდიელ იასპერ სილესენს სერხიო რიკო ჩაანაცვლებს.

მიუხედავად 3 საკმაოდ კარგი მეკარისა, ბორდალასი თავს დამშვიდებულად ვერ გრძნობს. სილესენი “აიაქსში” დაბრუნდება, ხოლო, გიორგი მამარდაშვილი კვლავ მე-2 ნომერი იქნება, თუმცა ესპანელები სწორედ მას მიიჩნევენ მომავლის მეკარედ, რომელიც მომავალში “ღამურების” მთავარ გოლკიპერად მოგვევლინება.

სერხიო რიკო “პსჟ”-ში თამაშობს, მაგრამ კეილორ ნავასთან და დონარუმასთან კონკურენციის შანსი არ აქვს და ამიტომ, ესპანეთში დაბრუნების წინააღმდეგი არაა.

ამავდროულად, თუ სილესენი წასვლამდე შედეგებს არ გამოასწორებს, მამარდაშვილი ძირითადში დაბრუნდება.

მას შემდეგ, რაც გაირკვა, რომ 32 წლის ქართველ ფეხბურთელ ამირან სანაიას სიმსივნე დაუდასტურდა, ფრანგული “როდეზის” პრეზიდენტმა განცხადება გაავრცელა.

“”ახლა მან უნდა იბრძოლოს. კლუბი ყველაფერს მისცემს ამირანს. ჩვენ ყველა მასთან ვიქნებით, მის ოჯახთან ერთად. მისი მებრძოლი სულით, სანაია კიდევ უფრო ძლიერი დაბრუნდება. ახალ კვლევებს შემდეგ კვირაში ტულუზაში ჩაიტარებს”, – თქვა პრეზიდენტმა.

სანაია სოხუმში დაიბადა და 2007 წელს “ზესტაფონიდან” “ლე მანში” წავიდა და მას შემდეგ საფრანგეთის მე-2/მე-3 ლიგებში ასპარეზობს.