“მანჩესტერ იუნაიტედის” ლეგენდამ, პოლ სქოულზმა, “ლივერპულთან” განცდილი გამანადგურებელი მატჩის შემდეგ თავისი პოზიცია დააფიქსირა. სქოულმა მანჩესტერელთა ფრანგი ნახევარმცველი, პოლ პოგბა, გააკრიტიკა.
“ყველანი ვიაზრებთ, თუ რამდენად რთულია ეს ყველაფერი. ვფიქრობ, მწვრთნელი ჯერ კიდევ “ატალანტასთან” მოგებული მატჩის ემოციებით იყო აჟიტირებული. ყველამ ვიცოდით, რომ “ლივერპულთან” იგივეს ვერ გავიმეორებდით. არ ვთვლი, რომ შედეგი მონდომების ნაკლებობამ გამოიწვია.
პოლ პოგბა მატჩს მეორე ნახევრიდან შეუერთდა, რათა გუნდს დახმარებოდა, საქმეს სრული პასუხისმგებლობით მოკიდებოდა და ეჩვენებინა, თუ რამდენად ძლიერია ნახევარდაცვაში. საბოლოო ჯამში კი გოლი გაგვაშვებინა.
ამ მომენტიდან ცოტა ხნის შემდეგ საშინელი ვარდნა გააკეთა და გუნდი 10 კაცით დატოვა. საინტერესოა, ოლე ისევ თუ დარჩება კლუბის თავკაცად, მისცემს მოედანზე გასვლის შანსს?
ბოლო წლების განმავლობაში პოგბა ქაოსს იწვევს. ყველამ იცის, თუ რაოდენ ნიჭიერია, ყველა მწვრთნელი ნდობას უცხადებს. მაგრამ ის კონტრაქტს არ აფორმებს, თითქოს კლუბს გამოსასყიდს თხოვს. ამის შემდეგ კი მოედანზე გამოდის და ასეთ რამეს აკეთებს. ვფიქრობ, არაფერი დაგვაკლდება, თუ საერთოდ აღარ ითამაშებს,” – აცხადებს პოლ სქოულზი.
