“პარი სენ-ჟერმენის” ხელმძღვანელებს “ბარსელონას” ახალგაზრდა ვარსკვლავის, ანსუ ფატის, გადაბირება სურდა. ამ ინფორმაციას კატალონიური გამოცემა Mundo Deportivo ადასტურებს.
როგორც ცნობილი ხდება, პარიზული გრანდი 18 წლის ფეხბურთელს წელიწადში 15 მილიონ ევროს სთავაზობდა ხელფასის სახით. გარდა ასეთი ხელფასისა, მის კონტრაქტში 30 მილიონის ოდენობის ბონუსების გაწერა იგეგმებოდა.
წყაროს ცნობით ფატის ტრანსფერის სურვილს “ლივერპული” და “მანჩესტერ იუნაიტედიც” იჩენდნენ, თუმცა ფავორიტი “პსჟ” გახლდათ, რომელიც ფატის მბაპეს შემცვლელად განიხილავდა.
ანსუ ფატის აგენტმა, ჟორჟე მენდეშმა, ოპტიმალურ ვარიანტად “ბარსელონაში” დარჩენა მიიჩნია. დღეს ესპანელი ტალანტის გამოსასყიდ თანხას 1 მილიარდი ევრო შეადგენს. ის “ურჯ-ბროწეეულისფერთა” რიგებში 2027 წლამდე დარჩება.