დღეს, მსოფლიოს 2022 წლის ჩემპიონატის საკვალიფიკაციო ეტაპზე საქართველოს ნაკრები სტუმრად კოსოვოს დაუპირისპირდება.

უკვე ცნობილია, როგორი შემადგენლობებით გავლენ გუნდები მოედანზე.

კოსოვო:

საქართველო: გიორგი ლორია; ოთარ კაკაბაძე, გურამ კაშია, ლაშა დვალი, გურამ გიორბელიძე; ნიკა კვეკვესკირი, ვაკო გვილია, საბა ლობჟანიძე; ხვიჩა კვარაცხელია, გიორგი წიტაიშვილი, თორნიკე ოქრიაშვილი

შეგახსენებთ, რომ მატჩი 22:45 საათზე დაიწყება, პირდაპირ რეპორტაჟს კი საზოგადოებრივი მაუწყებლის პირველი არხი შემოგვთავაზებს.

კოსოვოს ნაკრების ერთ-ერთმა ლიდერმა, “ლაციოს” თავდამსხმელმა ვედათ მურიქიმ საქართველოსთან გასამართ შეხვედრაზე ისაუბრა და თქვა, რომ მისი გუნდი სამი ქულის მოპოვებას გეგმავს.

“საქართველოსთან უნდა გავიმარჯვოთ. მიუხედავად იმისა, რომ ეს გუნდი სტუმრად დავამარცხეთ, მეტოქის არდაფასება გამორიცხულია. რთული მატჩი გველის, თუმცა საქართველოს ნაკრები კარგად შევისწავლეთ და მოედანზე მოსაგებად გავალთ. არ აქვს მნიშვნელობა, რა ანგარიშით გავიმარჯვებთ, ჩვენ სამი ქულა გვჭირდება. კოსოვოს ნაკრებში ყოველთვის კარგი ატმოსფეროა. ჩვენ პატარა ქვეყანა ვართ და ერთმანეთს კარგად ვიცნობთ”, – განაცხადა მურიქიმ.

შეგახსენებთ, რომ კოსოვოსა და საქართველოს ნაკრებებს შორის შეხვედრა დღეს, პრიშტინაში, 22:45 საათზე დაიწყება.

საქართველოს ნაკრების მთავარმა მწვრთნელმა ვილი სანიოლმა და შემტევმა საბა ლობჟანიძემ კოსოვოსთან მატჩამდე პრესკონფერენცია გამართეს.

ვილი სანიოლი: “სექტემბერში კოსოვოსთან დავმარცხდით, ეს ჩვენთვის საკმაოდ რთული მომენტი იყო, საშინაო მატჩში ყველა განსხვავებულ შედეგს ელოდა. რაც შეეხება ხვალინდელ შეხვედრას, მსურს, რომ ჩემი ფეხბურთელები ისე განეწყონ თამაშისთვის , როგორც ეს კოსოვოელებმა ბათუმში მოახერხეს. გვსურს, ქართული ფეხბურთი საუკეთესო კუთხით წარმოვაჩინოთ. პირველ შეხვედრაში განცდილი მარცხი ჯერაც ვერ დავივიწყეთ და შევეცდებით ეს გამოვასწოროთ.

საბერძნეთის წინააღმდეგ რთული შეხვედრა გამოვიდა, თუმცა ამ მატჩში უკეთესად გამოვიყურებოდით ვიდრე ეს სექტემბერში კოსოვოს წინააღმდეგ იყო. სამწუხაროდ ბოლო წუთებზე ჩვენს კარში პენალტი მივიღეთ. მიუხედავად ამ ყველაფრისა, ხვალინდელ შეხვედრაში მოედანზე პოზიტიური განწყობით უნდა გავიდეთ. ყველა მატჩში ვცდილობთ, რომ მოედანზე საუკეთესო შემადგენლობით ვიყოთ და ქართველი ხალხი გავახაროთ. ასევე გვსურს,რომც”, – განაცხადა სანიოლმა.

“კოსოვოს ძლიერი ნაკრები ჰყავს და ამაში ერთი თვის წინ დავრწმუნდით. რაც შეეხება ხვალინდელ მატჩს, ჩემი და მთლიანი გუნდის მოლოდინია, რომ ხვალ სამი ქულისთვის უნდა ვითამაშოთ. დარწმუნებული ვარ, რომ რთული თამაში გველის, მაგრამ მოედანზე გამარჯვებისთვის უნდა გავიდეთ და მჯერა, რომ ამის ძალა შეგვწევს”, – დაამატა საბა ლობჟანიძემ.

Nakrebi.Ge

საქართველოს ეროვნული ნაკრები მსოფლიო ჩემპიონატის საკვალიფიკაციო ეტაპის მეშვიდე შეხვედრას 12 ოქტომბერს გამართავს. ვილი სანიოლის გუნდი პრიშტინაში დღეს ჩავიდა და კოსოვოსთან მატჩამდე ბოლო ვარჯიში ჩაატარა. შეხვედრის მასპინძელ სტადიონზე საწვრთნელი პროცესი ძლიერი წვიმის ფონზე ერთი საათი გაგრძელდა.

პრიშტინაში ჩვენი გუნდი 21 ფეხბურთელის შემადგენლობით იმყოფება. საქართველოს ნაკრებს კოსოვოს წინააღმდეგ შეხვედრაში გიორგი ჩაკვეტაძე ვერ დაეხმარება. ფეხბურთელმა გუნდთან ერთად გამგზავრება სასუნთქი გზების მწვავე ინფექციის ნიშნების გამო ვერ შეძლო.

საქართველოს ნაკრების შემადგენლობა კოსოვოს წინააღმდეგ:

მეკარე: გიორგი ლორია (ანორთოსისი, ფამაგუსტა, კვიპროსი), გიორგი მამარდაშვილი (ვალენსია, ესპანეთი), ლაზარე კუპატაძე (დინამო, ბათუმი, საქართველო)

დაცვა: გურამ კაშია (სლოვანი, ბრატისლავა, სლოვაკეთი), ოთარ კაკაბაძე (კრაკოვია, კრაკოვი, პოლონეთი), დავით ხოჭოლავა (კოპენჰაგენი, დანია), გურამ გიორბელიძე (დინამო, დრეზდენი, გერმანია), გრიგოლ ჩაბრაძე (დინამო, ბათუმი, საქართველო), ირაკლი აზაროვი (დინამო, ბათუმი, საქართველო), ლუკა ლოჩოშვილი (ვოლფსბერგი, ავსტრია), ლაშა დვალი (ფერენცვაროში, ბუდაპეშტი, უნგრეთი), საბა ხვადაგიანი (დინამო, თბილისი, საქართველო)

ნახევარდაცვა/თავდასხმა: საბა ლობჟანიძე (ჰატაისპორი, ანტაკია, თურქეთი), ნიკა კვეკვესკირი (ლეხი, პოზნანი, პოლონეთი), ხვიჩა კვარაცხელია (რუბინი, ყაზანი, რუსეთი), ზურიკო დავითაშვილი (არსენალი, ტულა, რუსეთი), ვაკო გვილია (რაკუვი, ჩესტოხოვა, პოლონეთი), ვლადიმერ მამუჩაშვილი (დინამო, ბათუმი, საქართველო), გიორგი წიტაიშვილი (ჩერნომორეცი, ოდესა, უკრაინა), თორნიკე ოქრიაშვილი (აპოელი, ნიქოზია, კვიპროსი), გიორგი ქვილითაია (აპოელი, ნიქოზია, კვიპროსი)

კოსოვოსა და საქართველოს ეროვნულ ნაკრებთა დაპირისპირება 12 ოქტომბერს პრიშტინას ფადილ ვოკრის სახელობის სტადიონზე თბილისის დროით 22:45 საათზე დაიწყება. მატჩის პირდაპირ რეპორტაჟს საქართველოს პირველი არხი შემოგთავაზებთ.

Nakrebi.GE

საქართველოს ეროვნული ნაკრების ყველა დროის საუკეთესო ბომბარდირმა შოთა არველაძემ სოციალურ ქსელში პოსტი გამოაქვეყნა. ვეტერანმა ფეხბურთელმა ხვიჩა კვარაცხელიასა და გიორგი ჩაკვეტაძეს მიმართა.

“რთულია პერიოდია და თქვენზე ბევრი რამეა დამოკიდებული. უნდა შეძლოთ!” – წერს არველაძე Facebook-ში.

შეგახსენებთ, რომ საქართველოს ნაკრები მსოფლიო ჩემპიონატის საკვალიფიკაციო ეტაპზე, B ჯგუფში 6 ტურის შემდეგ, 1 ქულით, ბოლო ადგილს იკავებს.