გიგა ჭიკაძემ UFC-ში ქართული ისტორია დაწერა. ქართველმა მებრძოლმა მთავარ ღონისძიებაზე, 5-რაუნდიან ბრძოლაში ბრაზილიელი ედსონ ბარბოზა მესამე რაუნდში ნოკაუტით დაამარცხა.
გამარჯვების შემდეგ, გიგამ ქართველ გულშემატკივრებს მადლობა გადაუხადა და მათ ქართულად მიმართა.
“ისინი დილით, ადრე, 5 საათზე იღვიძებენ იმისათვის, რომ ჩემს ბრძოლას უყურონ და მიგულშემატკივრონ. ყოველთვის, როცა ჩვენ [ქართველი მებრძოლები] ვიბრძვით, ეს 3 მილიონი ადამიანი ერთიანდება და გვქომაგობს. ძალიან დიდი მადლობა! გილოცავთ მარიამობას!” – თქვა ჭიკაძემ.
ინა ქალდანი – კაზუსა ოგავა (იაპონია)
ტოკიოს პარალიმპიურ თამაშებზე, ძიუდოში, ქალთა -70კგ წონითი კატეგორიის მეოთხედფინალში ინა ქალდანი მექსიკელ ლენია რუვალკაბას დაუპირისპირდა.
ქართველმა პარაძიუდოისტმა მეტოქე “მახრჩობელათი” დაამარცხა და ნახევარფინალში გავიდა. აღსანიშნავია, რომ ლენია რუვალკაბა 2016 წლის რიოს პარალიმპიური თამაშების გამარჯვებულია.
27 აგვისტოს, ესპანეთის ჩემპიონატის მესამე ტურში “ვალენსიამ” “ალავესი” 3:0 დაამარცხა.
გიორგი მამარდაშვილი მასპინძელთა შემადგენლობაში იყო და დამაჯერებლად ითამაშა. ერთ-ერთ ეპიზოდში მან საკუთარი საჯარიმოდან მეტოქის ნახევარზე თანაგუნდელს გადაცემა ხელით გაუკეთა, ამას კი სოციალურ ქსელში დიდი გამოხმაურება მოყვა.
Mamardashvili il fait du foot ou du lancer de disque là ? 😮😱 pic.twitter.com/M9UQOshEkd
— z (@geniojer) August 28, 2021
Twitter-ის ერთ-ერთი მომხმარებელი წერს: “ეს კარგი ბიჭია, მაგრამ ცუდია, რომ მან უკვე ითამაშა საქართველოს ნაკრებში. მისთვის მოქალაქეობის მიცემას ვეღარ მოვახერხებთ.”
Este tío es bueno eh, lo malo es que ya ha jugado para Georgia, no se le puede nacionalizar. https://t.co/fb1UDCqPzC
— PRESUNTO GORILA HISPANO JUCHE (@bcngrandeylibre) August 28, 2021
“ეს სიგიჟეა.”
esto es demencial eh https://t.co/taifVj0ZzM
— Rαúl. (@raul24saez) August 28, 2021
“მამარდაშვილმა გამაოცა.”
Estoy a topísimo con Mamardashvili. https://t.co/f0EW7wxrcY
— Carños 💯🦇 (@Carlos14vcf) August 28, 2021
“კატაპულტა.”
La catapulta! https://t.co/LA2ErGsRWX
— Sergi Alsina (@SergiAlsina78) August 28, 2021
საბა ლობჟანიძის გოლი “ალანიასპორის” კარში
ყაზანის “რუბინის” ოფიციალური ვებ-გვერდი ადასტურებს ინფორმაციას, რომლის მიხედვითაც რუსულმა კლუბმა ანდერს დრეიერი დაიმატა. “მიდტიულანდის” ფეხბურთელმა ახალ კლუბთან ხელშეკრულება უკვე გააფორმა.
რამდენადაც ჩვენთვის ცნობილი ხდება, “რუბინს” 23 წლის ფეხბურთელის ტრანსფერი 6 მილიონი ევრო დაუჯდება. დრეიერმა კლუბთან ხუთწლიანი კონტრაქტი გააფორმა.
ანდერს დრეიერმა “რუბინის” ყურადღება ახალგაზრდულ ევროპის ჩემპიონატზე კარგი თამაშით მიიპყრო. რუსული პრესა დრეიერს ხვიჩა კვარაცხელიას შემცვლელად მოისაზრებს.
სატრანსფერო ფანჯრის დასრულებამდე რამდენიმე დღით ადრე ტურინის “იუვენტუსი” პორტუგალიელმა სუპერვარსკვლავმა, კრიშტიანუ რონალდუმ, დატოვა. “ბიანკონერის” დანაკლისის შესავსებად მცირე დრო აქვს, შესაბამისად სწრაფად აპირებს რეაგირებას.
Marca-ის მიერ გავრცელებულ ცნობებს თუ დავეყრდნობით, “ბებერი ქალბატონი” კრიშტიანუ რონალდუს შემცვლელად გუნდში ედენ აზარის მიყვანას აპირებს. მადრიდელები თანახმანი არიან აზარის გაშვებაზე. იჯარა ორივე მხარისთვის იდეალურ ვარიანტს წარმოადგენს.
როგორც იცით, ედენ აზარი მადრიდის “რეალში” სწორედ კრიშტიანუს შემცვლელად მიიყვანეს, თუმცა ტრავმების გამო ამ უკანასკნელმა საკუთარი შესაძლებლობების სრულად წარმოჩენა ვერ მოახერხა.
“მანჩესტერ იუნაიტედის” ნახევარმცველი, პოლ პოგბა, კლუბთან ხელშეკრულების გახანგრძლივებას არ აპირებს. Marca-ს მიერ მოპოვებული უახლესი ცნობების თანახმად, ფრანგ ვარსკვლავს მადრიდის “რეალში” სურს კარიერის გაგრძელება.
ესპანური წყაროს ცნობით პოგბამ თავის აგენტ მინო რაიოლას უკვე ამცნო თავისი სურვილის შესახებ. ფრანგი ფეხბურთელის მიმდინარე კონტრაქტს ვადა 2022 წლის ზაფხულში ეწურება, რის შემდეგაც მას თავისუფალი აგენტის სტატუსით შეეძლება “სანტიაგო ბერნაბეუზე” გადაბარგება.
პოლ პოგბას ტურინის “იუვენტუსში” დაბრუნების შანსიც აქვს, თუმცა აქცენტს ახალ გამოწვევებზე აპირებს. მიმდინარე სეზონში პოგბას ანგარიშზე პრემირე ლიგის 2 მატჩში გაკეთებული 5 საგოლე გადაცემაა.
28 აგვისტოს, პოლონეთის ექსტრაკლასაში პოზნანის “ლეხი” საკუთარ მოედანზე “პოგონს” დაუპირისპირდა.
მასპინძელთა ძირითად შემადგენლობაში იყო ნიკა კვეკვესკირი, რომელმაც შეხვედრაში ორი ყვითელი ბარათი მიიღო. პირველად ის მე-40 წუთზე გააფრთხილეს, მეორე გაფრთხილება კი 62-ე წუთზე მიიღო და მოედანი დატოვა.
