საფეხბურთო კლუბ “სამტრედიაში”, შესაძლოა, 27 წლის თავდამსხმელი ბაჩანა არაბული ვიხილოთ. არაბული გუნდში ვარჯიშობს, მაგრამ ჯერჯერობით ოფიციალურად ამას სამტრედიელები არ ადასტურებენ.

არაბული 2016 წელს გია ცეცაძესთან ერთად გარდამავალ ჩემპიონატში თამაშობდა და ჩემპიონატის მოგებაში დიდი წვლილი დაიდო. ამჯერად, მის გვერდით გიორგი არაბიძე იქნება, რომელიც “ნასიონალიდან” იჯარის წესით თამაშობს და კლუბის კაპიტანია.

ბაჩანა ბოლოს “ლამიაში” ასპარეზობდა, გუნდის ერთ-ერთი ლიდერიც იყო, თუმცა ბერძნებს ფინანსურ საკითხებზე ვერ უთანხმდება. “ლამია” მის ფინანსურ მოთხოვნილებებს ვერ აკმაყოფილებს და თუ არაბულმა ახალი ნავსაყუდელი უახლოეს პერიოდში ვერ მოძებნა, შესაძლოა, “სამტრედიაში” წლის ბოლომდე ვიხილოთ.

“სამტრედია” ახლა 13 ქულით ბოლო ადგილზეა, მაგრამ ბოლო მატჩი “ლოკომოტივს” არაბიძის ლიდერობით მოუგო.

დღეს ქუთაისის საკრებულოს სხდომა გაიმართა, სადაც მე-17 საკითხად ქუთაისის “ტორპედოს” გადაცემა იყო გამოტანილი, მაგრამ გადაცემის დამტკიცება არ მომხდარა.

შეიცვალა გარკვეული პირობები და ახალი აუქციონი ახალი პირობებით ჩაინიშნება. გასული აუქციონის მთავარი პრობლემა ძველი დავალიანებებები (2 მილიონ 700 ათასი) გახლდათ, რომელიც გუნდს 2017 წლიდან მოყოლებული აქვს და მის გადახდას ახალ ინვესტორს სთხოვენ.

“ტორპედოს” ყიდვა აიეტ კუკავას “ალიანს ჰოლდინ ჯგუფსა” და დავით კერესელიძის “ნიუ ვიჟენს” სურთ, თუმცა ძველი პირობებით ქუთაისური გუნდის შეძენის სურვილი არცერთს გამოუთქვამს.

ქუთათურებმა ბოლო პერიოდში საკმაოდ ბევრი ფეხბურთელი, მათ შორის, მათე ცინცაძე, როინ კვასხვაძე, მაგამეგ პარაგულგოვი, ვასილის კარაგუნისი, ზიმბაბველი მცველი ალეკ მუდიმუ, თორნიკე ახვლედიანი, ლევან წოწონავა და ბიძინა მახარობლიძე.