ბრიტანული Sky Sports-ის ჟურნალისტი ლიალ ტომასი წერს, რომ “ტოტენჰემი” სატრანსფერო ფანჯრის დასრულებამდე ადამა ტრაორეს ან ხვიჩა კვარაცხელიას დაიმატებს.

“ტოტენჰემს” კვლავ აქვს იმედი, რომ კიდევ ერთი შემტევი დაიმატოს სატრანსფერო ფანჯრის დასრულებამდე და ორ ვარიანტს განიხილავენ, ხვიჩა კვარაცხელიას “რუბინიდან” და ადამა ტრაორეს “ვულვზიდან” იჯარის წესით”.

კვარაცხელია 20 მილიონ ევროდ ფასობს და შესაძლო ტრავმის გამო, “რუბინმა” ჩემპიონატის განაცხადიდანაც ამოიღო.

“აპოელის” ერთ-ერთ ვიცე-კაპიტანი საქართველოს ნაკრების თავდამსხმელი, გიორგი ქვილითაია იქნება.

ქვილითაია “აპოელში” სეზონის დასრულების შემდეგ “ანორთოსისიდან” დაუშვილთან და ოქრიაშვილთან ერთად გადავიდა.

“კაპიტნის სამკლავურს პირველად ვატარებ კარიერაში და ეს უდიდესი პასუხიმგებლობაა კლუბისა და ფანების მიმართ. ძალიან ბედნიერი ვარ და მზად ვარ, ეს პასუხისმგებლობა ღირსეულად ვატარო”, – განაცხადა ქვილიმ.

ქვილითაიას გარდა კაპიტნები ტომას დე ვისენტი, პაულო ვინისიუსი და გეორგიოს ეფრემი იქნებიან.

18 წლის ქართველ ფეხბურთელ ლუკა გაგნიძეს კორონავირუსი დაუდასტურდა. ამის შესახებ რუსულ პრესას გაგნიძის აგენტმა, ირაკლი ლილუაშვილმა უთხრა.

“ლუკას ნამდვილად კოვიდი აქვს, მაგრამ ახლა თავს უკეთ გრძნობს. ვარჯიშს რამდენიმე დღეში დაიწყებს”, – განაცხადა ლილუაშვილმა.

“ურალის” რამდენიმე ფეხბურთელი ტესტირებისას კოვიდდადებითი აღმოჩნდა, თუმცა გუნდს ოფიციალური განცხადება არ გაუვრცელებია.

ლუკა იჯარის წესით მოსკოვის “დინამოდან” არის აყვანილი. მანამდე მოსკოველებმა იგი “დინამო თბილისიდან” 1.5 მილიონ ევროდ იყიდეს.