4 აგვისტოს, სერბეთის ბერძნულ-რომაული სტილით მოჭიდავეთა ნაკრების წევრმა, 87კგ წონით კატეგორიაში მოასპარეზე ზურაბ დათუნაშვილმა ტოკიოს ოლიმპიურ თამაშებზე ბრინჯაოს მედალი მოიპოვა.
დღეს დათუნაშვილი სერბეთში ჩავიდა, სადაც მას საზეიმო დახვედრა მოუწყვეს.
30 წლის ქართველ მოჭიდავეს ბრინჯაოს მედლის მოპოვება ისტორიაში ერთ-ერთმა საუკეთესო ჩოგბურთელმა, ნოვაკ ჯოკოვიჩმაც მიულოცა. სერბმა სოციალურ ქსელში დათუნაშვილის ფოტო გამოაქვეყნა.
ხვალ საქართველოს დელეგაცია ტოკიოს ოლიმპიურ თამაშებზე გამოსვლას დაასრულებს. მედლების მოპოვებას შეეცდებიან ელიზბარ ოდიკაძე და გოგიტა არქანია.
7 აგვისტო
გოგიტა არქანია (კარატე, კუმიტე, +75კგ)
არქანია ტოკიოს ოლიმპიურ თამაშებზე მედლის მოპოვების ერთ-ერთი მთავარი კანდიდატია. ის ასპარეზობას A ჯგუფში დაიწყებს, სადაც ხუთი სპორტსმენია თავმოყრილი. გოგიტას ყველა მათგანთან მოუწევს შეხვედრა. თუ ის ჯგუფის ორ საუკეთესო კარატისტს შორის მოხვდება, ნახევარფინალის საგზურს მოიპოვეს, სადაც მეორე ჯგუფის საუკეთესო ორი წარმომადგენელიც იქნება. ნახევარფინალში გასვლა ავტომატურად ნიშნავს ბრინჯაოს მედლის მოპოვებას.
ჯგუფური ეტაპის შეხვედრები 09:00 საათზე დაიწყება, ნახევარფინალის კი 14:37 საათზე. იმ შემთხვევაში, თუ ქართველი ფინალში გავა, საბოლოო დაპირისპირება სტარტს 15:05 საათზე აიღებს.
ელიზბარ ოდიკაძე (თავისუფალი ჭიდაობა, 97კგ)
ხვალ ელიზბარ ოდიკაძე ბრინჯაოს მედლისათვის დამამშვიდებელი წრიდან იბრძოლებს. დამამშვიდებელი წრე 13:45 საათზე დაიწყება.
იმისათვის, რომ არ გამოგრჩეთ არცერთი სიახლე ქართველი ოლიმპიელების გამოსვლებზე, თვალი ადევნეთ:
• ფეისბუქ გვერდს საქართველო ოლიმპიურ თამაშებზე
• Fanebi.Com-ის ვებ-გვერდს
• ფეისბუქ გვერდს FANEBI.COM
ელიზბარ ოდიკაძე – მოჰამადიანი (ირანი)
უეფას კონფერენს ლიგის საკვალიფიკაციო ეტაპზე ყაზანის “რუბინი” სტუმრად პოლონურ “რაკუვს” უპირისპირდება.
მატჩის პირველ ნახევარში “რუბინის” ფეხბურთელებს მაისურებზე წარწერები – გვარები და ნომრები აძვრათ. მეორე ნახევრის დაწყებისას, რამდენიმე მოთამაშე მოედანზე გამოჩნდა მაისურით, რომელზეც ნომერი ფანქრით იყო დაწერილი. ამის გამო, მეორე ტაიმის დაწყებამ რამდენიმე წუთით გადაიწია.
პრემიერ ლიგის მოქმედმა ჩემპიონმა, “მანჩესტერ სიტიმ”, ჯეკ გრილიშის ტრანსფერი ოფიციალურად დაადასტურა. “ქალაქელებმა” ინგლისელ ვარსკვლავში კლუბისთვის რეკორდული თანხა, 100 მილიონი ფუნტი, გადაიხადეს.
რამდენადაც ჩვენთვის ცნობილი ხდება, გრილიშმა “მანჩესტერ სიტისთან” ექვსწლიანი კონტრაქტი გააფორმა. 25 წლის ფეხბურთელი ახალ კლუბსი 10-ნომრიანი მაისურით იასპარეზებს, რომელიც აქამდე სერხიო აგუეროს ეკუთვნოდა.
“წარმოუდგენლად ბედნიერი ვარ “მანჩესტერ სიტიში” გადასვლით. “სიტი” ქვეყნის მასშტაბით საუკეთესო კლუბია და მათ მსოფლიოში საუკეთესო მწვრთნელი ჰყავთ. ამ კლუბის წევრი ვარ, რაზეც ვოცნებობდი.
ბოლო 10 სეზონის მანძილზე “სიტი” რეგულარულად იგებდა ტიტულებს. პეპის აქ მოსვლის შემდეგ გუნდი ამაღელვებელ ფეხბურთს თამაშობს. დარწმუნებული ვარ, რომ პეპთან მუშაობა განსაკუთრებული რამ იქნება,” – აცხადებს გრილიში.
ბათუმის “დინამო” თურქული “სივასპორი” მიიღო და 1-2 წააგი. ანგარიში 54-ე წუთზე ლადო მამუჩაშვილმა გახსნა, ჯეიმსმა კი 75-ე წუთზე ანგარიში გაათანაბრა. “დინამო” გარკვეულ მომენტებში ფლობდა უპირატესობას, მეტოქეზე აშკარად უკეთესი იყო, მაგრამ “სივასი” ძალიან გამოცდილი გუნდია, როგორც ყოველთვის, აჭარლები მოდუდნენ და 95-ე წუთზე კაიოდეს დარტყმულს კაიოდემე დაამატა და “სივასს” გამარჯვება მოუტანა.
დარჩენილ 1 წუთში ნიქაბაძეს ბურთი საჯარიმოში მიუვიდა, დაარტყა, თუმცა მეკარემ მოიგერია. განმეორებითი თამაში 1 კვირაში გაიმართება.
დინამო ბთ 1-2 სივასპორი
გოლები: მამუჩაშვილი 54 – ჯეიმსი 75, კაიოდე 95
დინამო: კუპატაძე – ჩაბრაძე, კობახიძე, აზაცკი, აზაროვი – ტეიდი, ალთუნაშვილი – მანჯგალაძე (ფანცულაია 46), მამუჩაშვილი (შინდაგორიძე 80), ჯიღაური – ჯოვინო (გაგოშიძე 79)
მთავარი მწვრთნელი: გია გეგუჩაძე
სივასპორი: ვურალი – ალტინაი, ოსმანფაშა, გუტასი, ჩიფჩი – არსლანი, აზუბუიკე, ფაჯრი – ილმაზი, იატაბარე (ჯეიმსი 75), კაიოდე
მთავარი მწვრთნელი: კალიმბაი
ლიონელ მესი კატალონიის “ბარსელონაში” აღარ ითამაშებს. ეს ინფორმაცია დღეს კლუბმა ოფიციალური განცხადებითაც დაადასტურა.
“მიუხედავად იმისა, რომ “ბარსელონასა” და ლიონელ მესის შორის შეთანხმება შედგა და ორივე მხარეს სურდა ახალი კონტრაქტის გაფორმება, ლა ლიგის ეკონომიკური და სტრუქტურული რეგულაციების გამო, ეს ვერ მოხერხდა. ამ სიტუაციიდან გამომდინარე, ლიონელ მესი “ბარსელონაში” ვეღარ ითამაშებს. ორივე მხარე წუხს ამის გამო”, – ვკითხულობთ “ბარსელონას” განცხადებაში.
შეგახსენებთ, რომ მესი “ბარსელონაში” 13 წლის ასაკში, 2000 წელს ჩაირიცხა. ამის შემდეგ ის მხოლოდ ამ კლუბის ღირსებას იცავდა.
