ვინ იქნება ხვალ – 2 აგვისტო ტოკიოს ოლიმპიურ თამაშებზე

Posted on by -

ხვალ ტოკიოს ოლიმპიურ თამაშებზე საქართველოს დელეგაციის ორი წევრი იასპარეზებს, ორივე ბერძნულ-რომაული სტილით მოჭიდავეთა ნაკრების წარმომადგენელია.

2 აგვისტო

გიორგი მელია (ბერძნულ-რომაული ჭიდაობა, 97კგ)

საქართველოს ბერძნულ-რომაული სტილით მოჭიდავეთა ნაკრების წევრი პირველივე შეხვედრაში, 1/8-ფინალში ერთ-ერთ ფავორიტს, რუსეთის ოლიმპიური კომიტეტის წარმომადგენელ მუსა ევლოევს დაუპირისპირდება. ეს შეხვედრა 06:30 საათზე დაიწყება.

იაკობ ქაჯაია (ბერძნულ-რომაული ჭიდაობა, 130კგ)

იაკობ ქაჯაია ტოკიოს ოლიმპიური თამაშების ფინალშია. მისი მეტოქე სამგზის ოლიმპიური ჩემპიონი, კუბელი მიხაინ ლოპესი იქნება. ფინალური ბლოკი 14:30 საათზე დაიწყება.

იმისათვის, რომ არ გამოგრჩეთ არცერთი სიახლე ქართველი ოლიმპიელების გამოსვლებზე, თვალი ადევნეთ:

• ფეისბუქ გვერდს საქართველო ოლიმპიურ თამაშებზე
• Fanebi.Com-ის ვებ-გვერდს
• ფეისბუქ გვერდს FANEBI.COM

ბათუმის “დინამოსა” და “სივასფორს” შორის მატჩს ბოსნიელები განსჯიან

Posted on by ბექა დოგრაშვილი

უეფას კონფერენციის ლიგის მესამე საკვალიფიკაციო ეტაპზე ბათუმის “დინამოსა” და “სივასფორს” შორის გასამართ მატჩს ბოსნიელ მსაჯთა ბრიგადა მოემსახურება. მთავარი არბიტრი ირფან პელიტო იქნება, რომელსაც სენად იბრისიმბეგოვიჩი და დავორ ბელჟო დაეხმარებიან. აღნიშნულ მსაჯებს 2018 წელს ევროპის ლიგის პირველ საკვალიფიკაციო ეტაპზე “დუნაისკა-სტრედასა” და “დინამო თბილისს” შორის გამართული შეხვედრა (1:1) აქვთ განსჯილი. მეოთხე არბიტრი მილოშ გიგოვიჩი იქნება.

წყვილის პირველი შეხვედრა ბათუმში, 5 აგვისტოს გაიმართება და 21:00 საათზე დაიწყება.

გრილიშის ტრანსფერის გამო, “მანჩესტერ სიტის” ორი ლიდერის გაშვება უწევს

Posted on by იაკობ კაპანაძე

“მანჩესტერ სიტის” ხელმძღვანელები ძალიან ახლოს არიან ჯეკ გრილიშის ტრანსფერთან. ბოლო ინფორმაციით, “ასტონ ვილა” ინგლისელი ვარსკვლავის ტრანსფერით 100 მილიონ ფუნტს მიიღებს.

როგორც იცით, სეზონის წინ პეპ გვარდიოლა პრესასთან საუბრისას აცხადებდა, რომ ფინანსური პრობლემების გამო “ქალაქელები” დიდი ტრანსფერის განხორციელებას ვერ შეძლებდნენ. თუმცა მათი გეგმები შეიცვალა.

The Telegraph-ის ინფორმაციით, “მანჩესტერ სიტი” ჯეკ გრილიშის ტრანსფერი განხორციელების შემდეგ ბერნარდუ სილვას სატრანსფერო ბაზარზე დააყენებს. გარდა ამისა, დიდია იმის ალბათობაც, რომ კლუბის დატოვება რაჰიმ სტერლინგს მოუწიოს.

2020/21 წლების სეზონში 25 წლის ჯეკ გრილიშმა პრემიერ ლიგაში 26 მატჩი ჩაატარა, გაიტანა 6 გოლი და გააკეთა 10 საგოლე გადაცემა.

ტებასი სუპერლიგაზე: “ეს სიტუაცია სასაცილოა, თუმცა დამფუძნებლებს კეთილებად აჩენს”

Posted on by იაკობ კაპანაძე

პარასკევს მადრიდის “რეალმა” ოფიციალურად დაადასტურა, რომ სუპერლიგის სხვა კლუბებთან ერთად კვლავ ცდილობს ევროპის სუპერლიგის იდეის დახვეწასა და განვითარებას. თუმცა, ამჯერად ისინი მზად არიან ევროპის წამყვან საფეხბურთო ორგანიზაციებთან ითანამშრომლონ.

“პირველ რიგში, გასათვალისწინებელია ის ფაქტი, რომ ამ ყველაფერს ისევ იგივე პიროვნება განსჯის. თუ ამ პიროვნებამ უკვე მიიღო გადაწყვეტილება, რა თქმა უნდა, აზრს არც მომავალში შეიცვლის.

ძალიან სასაცილო იქნება, თუ ის აზრს შეიცვლის. ჩემი გადმოსახედიდან, ეს სიტუაცია სასაცილოა, მაგრამ კიდევ უფრო სასაცილო იქნება, თუ ყველაფერი გამოუვათ.

ამჟამინდელი მდგომარეობა დამფუძნებულ კლუბებს კეთილებად და გულუხვებად აჩენს. ახლა ისინი ჩემპიონატების უფროსებთან, უეფასთან და ფიფასთან აპირებენ თანამშრომლობას, რათა ფეხბურთი გამოასწორონ,” – აცხადებს ტებასი.

იაკობ ქაჯაიამ რუსი დაამარცხა და ოლიმპიური თამაშების ნახევარფინალში გავიდა! (ვიდეო)

Posted on by ztsw2003

იაკობ ქაჯაია – სერგეი სემენიოვი (რუსეთი)

იხილეთ ვიდეო

>

იაკობ ქაჯაიამ ტოკიოს ოლიმპიური თამაშები წმინდა გამარჯვებით დაიწყო (ვიდეო)

Posted on by -

იაკობ ქაჯაია – ელიას კუოსმანენი

იხილეთ ვიდეო

ვარანი ორშაბათს მანჩესტერში გაფრინდება

Posted on by ბექა დოგრაშვილი

მადრიდის “რეალის” მცველი რაფაელ ვარანი ორშაბათს მანჩესტერში გაფრენას აპირებს. საფეხბურთო ინსაიდერი ფაბრიციო რომანო წერს, რომ ფრანგი ფეხბურთელი “მანჩესტერ იუნაიტედთან” გააფორმებს კონტრაქტს, თუმცა მანამდე დადგენილი საკარანტინო პერიოდის გავლა მოუწევს.

შეგახსენებთ, რომ რაფაელ ვარანი “რეალში” 2011 წლიდან თამაშობს. მან გასულ სეზონში “სამეფო კლუბის” ფორმით 41 მატჩი ჩაატარა და ორი გოლი გაიტანა.

სპეციალიზებული ინტერნეტპორტალი Transfermarkt-ი 28 წლის მცველის სატრანსფერო ღირებულებას 70 მილიონ ევროდ აფასებს.

იტალიელი ჟურნალისტი ჯანლუკა დი მარციო იუწყება, რომ ინგლისელები რაფაელ ვარანის სანაცვლოდ 50 მილიონ ევროს გადაიხდიან, რასაც ბონუსებიც დაემატება.

რა თანხა გამოიმუშავა ანტონ პლესნოიმ ბრინჯაოს მედლის მოპოვებით?

Posted on by ztxjonelle

31 ივლისს, საქართველოს ძალოსანთა ნაკრების წევრმა, 96კგ წონით კატეგორიაში მოასპარეზე ანტონ პლესნოიმ ტოკიოს ოლიმპიურ თამაშებზე ბრინჯაოს მედალი მოიპოვა.

24 წლის სპორტსმენმა ატაცში 177 კილოგრამი დააფიქსირა და ამ დისციპლინაში მე-3 ადგილი დაიკავა. პლესნოიმ აკვრაში 210 კილო ასწია, ის აქაც მე-3 იყო. საერთო ჯამში, მან 387 კგ დააფიქსირა და ოლიმპიურ თამაშებზე ბრინჯაოს მედალს დაეუფლა.

საქართველოს მთავრობის დადგენილება №39-ის მიხედვით, ანტონ პლესნოი ბრინჯაოს მედლის მოპოვებისათვის 68 000 ლარს მიიღებს.

უმედლოდ დარჩენილმა ჯოკოვიჩმა ორი ჩოგანი შეიწირა

Posted on by იაკობ კაპანაძე

ნოვაკ ჯოკოვიჩისთვის 2020 წლის ტოკიოს ოლიმპიური თამაშები დასრულებულია. მსოფლიოს ნომერმა პირველმა ჩოგბურთელმა ოლიმპიური თამაშები უმედლოდ დატოვა, რაც ბოლო მატჩში განსაკუთრებულად განიცადა.

ბოლო შეხვედრაში ნოვაკ ჯოკოვიჩი ბრინჯაოს მედლის მატჩში ესპანელ პაბლო კარენო ბუსტასთან დამარცხდა. მატჩის მიმდინარეობისას ნოვაკმა ორჯერ გატეხა ჩოგანი.

“აიაქსის” 16 წლის შემტევი ტრაგიკულად დაიღუპა

Posted on by იაკობ კაპანაძე

ამსტერდამის “აიაქსის” ოფიციალური ვებ-გვერდი ადასტურებს ინფორმაციას, რომლის მიხედვითაც გუნდის 16 წლის შემტევი ნოაჰ გესერი ავტოკატასტროფაში მოხვდა და გარდაიცვალა.

რამდენადაც ჩვენთვის ცნობილი ხდება, ინციდენტი პარასკევს მოხდა. ავარიის ეპიზოდში მანქანაში ნოაჰის 18 წლის ძმაც იმყოფებოდა, რომელიც ასევე გარდაიცვალა.

კლუბის ოფიციალურ განცხადებაში ვკითხულობთ: “აიაქსში” საშინელი სიახლე მივიღეთ ნოაჰ გესერის გარდაცვალების შესახებ. ჩვენი აკადემიის 16 წლის წევრი ავტოკატასტროფაში დაიღუპა პარასკევ საღამოს თავის ძმასთან ერთად.”

“სამგურალმა” რაფიქ ამინუ დაიმატა

Posted on by ზურაბ თოიძე
წყალტუბოს ,,სამგურალმა” ,,საბურთალოდან” 21 წლის განელი ფორვარდი რაფიქ ამინუ დაიმატა. კლუბსა და ფეხბურთელს შორის წელიწადნახევრიანი კონტრაქტი გაფორმდა. დღეს, ,,სამგურალის” სპორტულმა დირექტორმა ბესიკ ხაჭიპერაძემ ახალწვეულს სიმბოლურად კლუბის მაისური გადასცა და მას წარმატებები უსურვა.
რაფიქ ამინუ საქართველოში გასულ წელს ,,შევარდენის” რიგებში გამოჩნდა და ეროვნულ ლიგა 2–ში ჩატარებულ 9 შეხვედრაში 7 გოლი გაიტანა. მიმდინარე სეზონი ამინუმ ,,საბურთალოში” დაიწყო და ეროვნული ლიგის 7 შეხვედრაში ითამაშა.
საქართველოში ჩამოსვლამდე განელი ფორვარდი განის პრემიერლიგასა და ბენინის ჩემპიონატში ასპარეზობდა.
,,ახალ კლუბში თავს ისე ვგრძნობ, როგორც საკუთარ სახლში, ყველაფერს გავაკეთებ, რომ ,,სამგურალში” საკუთარი შესაძლებლობები მაქსიმალურად გამოვავლინო. ვეცდები ძირითად შემადგენლობაში დავიმკვიდრო ადგილი და ბევრი გოლი გავიტანო. ,,სამგურალი” საინტერესო და მებრძოლი გუნდია, იმედია, ჩვენთვის მიმდინარე სეზონი წარმატებული იქნება!” – განაცხადა რაფიქ ამინუმ.
“სამგურალის” პრესსამსახური