“ქართულმა ოცნებამ” ცაგერში მერობის კანდიდატად საქართველოს ნაკრების ყოფილი კაპიტანი და “დინამო თბილისის” ყოფილი მწვრთნელი, გიორგი ნემსაძე დაასახელა.
ნემსაძე ბოლოს “დინამოში” სპორტულ დირექტორად მუშაობდა.
“ოცნების” გორის მერობის კანდიდატი მსოფლიო და ოლიმპიური ჩემპიონი თავისუფალ ჭიდაობაში, ლადო ხინჩეგაშვილი იქნება. თბილისის მერობაზე ნაკრების ყოფილი კაპიტანი, კახა კალაძე იბრძოლებს.
გახარიას პარტიის მხრიდან თბილისში, შესაძლოა, არჩილ თალაკვაძე დასახელდეს.
პარტია “ქართულმა” ოცნებამ 2021 წლის თვითმმართველობის არჩევნებისათვის მერობის კანდიდატები დაასახელა.
როგორც ცნობილი გახდა, გორში “ქართული ოცნების” მეორბის კანდიდატი ვლადიმერ ხინჩეგაშვილი იქნება.
ვლადიმერ ხინჩეგაშვილი 30 წლისაა. თავისუფალი სტილით მოჭიდავე ოლიმპიური ოქროსა და ვერცხლის მედალოსანია. მას ერთხელ აქვს მოგებული მსოფლიო ჩემპიონატი, ევროპის ჩემპიონი კი სამჯერ გახდა.
საქართველოს საფეხბურთო ნაკრების ყოფილმა კაპიტანმა და თბილისის მერობის კანდიდატმა კახა კალაძემ სოციალურ ქსელში ერთ-ერთი მომხმარებლის შეკითხვას უპასუხა, რომელიც ძმებ არველაძეებს შეეხებოდა.
გ.ჯ: “გახარია არვლაძეს აყენებს კანდიდატადო და დაგერხა?”
კალაძე: “თუ უნდა სამივე დააყენოს.”
გავრცელებული ინფორმაციით, გიორგი გახარია, საკუთარ პარტიასთან ერთად, აპირებს, რომ აჩი არველაძე თბილისის მერობის კანდიდატად წარადგინოს და შესაბამისად, ის არჩევნებში კახა კალაძის კონკურენტი იქნება.
საქართველოს ძიუდოისტთა ნაკრების წევრმა, გურამ თუშიშვილმა ტოკიოს ოლიმპიურ თამაშებზე ვერცხლის მედლის მოპოვების შემდეგ კომენტარი გააკეთა.
“რა თქმა უნდა, ჩემთვის მედალი ძალიან დიდი სიხარულია. ამისთვის ბევრი ვიშრომე. ფინალში წავაგე, მაგრამ მადლობა ღმერთს, რომ მედალი ავიღე. კმაყოფილი ვარ ჩემი თავით, მაგრამ მეტი შემეძლო”, – განაცხადა თუშიშვილმა სეოკ-ის პრესსამსახურთან ინტერვიუში.
შეგახსენებთ, რომ 26 წლის ძიუდოისტი +100კგ წონითი კატეგორიის ფინალში ჩეხ ლუკაშ კრპალეკთან დამარცხდა.
ხვალ ტოკიოს ოლიმპიურ თამაშებზე საქართველოს დელეგაციის ორი წევრი იასპარეზებს. საკვალიფიაკციო ეტაპზე გამოვა ბაჩანა ხორავა, ხოლო ანტონ პლესნოის მედლის მოპოვების შანსი ექნება.
31 ივლისი
ბაჩანა ხორავა (სიგრძეზე ხტომა)
ხვალ, ტოკიოს ოლიმპიურ თამაშებზე კიდევ ერთი ქართველი მძლეოსანი გამოვა. ბაჩანა ხორავა სიგრძეზე ხტომაში, საკვალიფიკაციო ეტაპზე, A ჯგუფში გამოვა. შეჯიბრი 14:10 საათზე დაიწყება. იმისათვის, რომ ბაჩანა ფინალში გადავიდეს, საჭიროა, რომ ის 12 საუკეთესო სპორტსმენს შორის მოხვდეს.
ანტონ პლესნოი (ძალოსნობა, 96კგ)
ხვალ მედლისათვის იბრძოლებს ანტონ პლესნოი, ის ოლიმპიური თამაშების ერთ-ერთი ფავორიტია. შეჯიბრი 14:50 საათზე დაიწყება.
იმისათვის, რომ არ გამოგრჩეთ არცერთი სიახლე ქართველი ოლიმპიელების გამოსვლებზე, თვალი ადევნეთ:
• ფეისბუქ გვერდს საქართველო ოლიმპიურ თამაშებზე
• Fanebi.Com-ის ვებ-გვერდს
• ფეისბუქ გვერდს FANEBI.COM
გურამ თუშიშვილი – ტამერლან ბაშაევი (რუსეთის ოლიმპიური კომიტეტი)
სანდრო მამუკელაშვილი NBA-ში, “მილოუკი ბაქსიში” ითამაშებს. ქართველი კალათბურთელი დრაფტზე 53-ე ნომრად “ინდიანა პეისერსმა” აირჩია, თუმცა ის მოქმედ ჩემპიონ “მილოუკი ბაქსიში” გაიცვალა.
მამუკელაშვილი 2017 წლიდან “სეტონ ჰოლის” ღირსებას იცავდა, კოლეჯიდან კი კარიერას NBA-ში გააგრძელებს.
შეგახსენებთ, რომ NBA-ში სხვადასხვა დროს უთამაშიათ ვლადიმერ სტეფანიას, ზაზა ფაჩულიას, ნიკოლოზ ცქიტიშვილს, თორნიკე შენგელიასა და გოგა ბითაძეს. ბითაძე ამჟამად “ინდიანა პეისერსის” ღირსებას იცავს, რაც იმას ნიშნავს, რომ მომავალ სეზონში ნაციონალურ საკალათბურთო ასოციაციაში ერთდროულად ორი ქართველი ითამაშებს.
ტერი რინერი (საფრანგეთი) – ტამერლან ბაშაევი (რუსეთის ოლიმპიური კომიტეტი)
გურამ თუშიშვილი – ტემურ რახიმოვი (ტაჯიკეთი)
ბორისოვის ბატე-ს მთავარმა მწვრთნელმა, ვიტალი ჟუკოვსკიმ უეფას კონფერენს ლიგის საკვალიფიკაციო ეტაპზე ბათუმის “დინამოსთან” განცდილი მარცხის (1:4) შემდეგ კომენტარი გააკეთა.
“მეტოქე უფრო თავისუფლად თამაშობდა, ჩვენ კი პირიქით, შებოჭილები ვიყავით. გაშვებული თერთმეტმეტრიანის შემდეგ შეგვეშინდა და ანგარიშის შენარჩუნებაზე თამაში დავიწყეთ. იყო იმის შიში, რომ მეორე გოლი გაგვეშვა. როცა ფეხბურთის თამაშის შეგიშინია, ასეთი რამ ხდება.
ძალიან მრცხვენია ფანების, იმ ადამიანების, რომლებიც ამ კლუბზე ღელავენ. დღეს უნდა დავიზინოთ და ხვალ კლუბის ხელმძღვანელობასთან ამ მარცხზე ვისაუბრებთ და ვნახავთ, როგორი გზით წავალთ. როცა გუნდი ევროტურნირებზე, საშინაო მატჩში, მეორე ტაიმში ოთხ გოლს უშვებს, ეს მწვრთნელის შეცდომაა. ფეხბურთში აქამდე ასე არასოდეს შევრცხვენილვარ”, – განაცხადა ვიტალი ჟუკოვსკიმ.
