რუი კოშტა “ბენფიკას” პრეზიდენტი გახდა

Posted on by ბექა დოგრაშვილი

ცნობილი პორტუგალიელი ექსფეხბურთელი მანუელ რუი კოშტა ლისაბონის “ბენფიკას” პრეზიდენტი გახდა.

კლუბის ყოფილი პირველი პირის პოსტი ვაკანტური რამდენიმე დღის წინ გახდა. ფილიპე ვიეირა ფინანსურ მაქინაციებში იყო ეჭვმიტანილი და იძულებული გახდა, თანამდებობა დაეტოვებინა, რის შემდეგაც “ბენფიკას” პრეზიდენტი გახდა რუი კოშტა, რომელიც მანამდე ვიცეპრეზიდენტის ფუნქციებს ასრულებდა.

მანუელ რუი კოშტას მოთამაშის რანგში “ბენფიკას”, “მილანისა” და “ფიორენტინას” რიგებში უთამაშია. მას პორტუგალიის ეროვნულ ნაკრებში ჩატარებულ 94 შეხვედრაში 26 ბურთი აქვს გატანილი.

“ბენფიკამ” პორტუგალიის ჩემპიონატის გასული გათამაშება მესამე ადგილზე დაასრულა.

წიტაიშვილი “ჩორნომორეცში” ითამაშებს

Posted on by ბექა დოგრაშვილი

უკრაინელი ჟურნალისტების ცნობით, კიევის “დინამოს” ნახევარმცველი გიორგი წიტაიშვილი კარიერას ოდესის “ჩორნომორეცში” გააგრძელებს. 20 წლის ქართველი ფეხბურთელი უკვე ოდესაშია და კლუბთან საიჯარო კონტრაქტს უახლოეს პერიოდში გააფორმებს.

კიევის “დინამომ” შვეიცარიაში გამართულ წინასასეზონო შეკრებაზე წიტაიშვილი წაიყვანა, თუმცა მზადების მეორე ეტაპზე მირჩა ლუჩესკუმ ქართველ ფეხბურთელს აღარ უხმო.

“ჩორნომორეცის” მთავარი მწვრთნელი იური მოროზი 2021 წლამდე კიევის “დინამოს” ასაკობრივ გუნდებში მუშაობდა და მისთვის წიტაიშვილი უცხო არ არის.

შეგახსენებთ, რომ ქართველმა ფეხბურთელმა 2020-2021 წლების სეზონი დედაქალაქური კლუბის რიგებში დაიწყო, თუმცა შემდეგ პოლტავის “ვორსკლაში” გაანათხოვრეს.

როგორც მოგეხსენებათ, გიორგი წიტაიშვილს უკრაინის თითქმის ყველა ასაკობრივ ნაკრებში უთამაშია. 2019 წელს ის უკრაინის 20-წლამდელთა ნაკრებთან ერთად მსოფლიოს ჩემპიონი გახდა და ტურნირის ფინალურ მატჩში გოლიც გაიტანა. იმავე წელს წიტაიშვილს უკრაინის ოქროს ტალანტის ჯილდო გადაეცა. 2020 წელს იტალიურმა “ტუტოსპორტმა” ის ევროპის საუკეთესო 21 წლამდე ასაკის მოთამაშეთა შორის დაასახელა. 2021 წელს წიტაიშვილმა არჩევანი საქართველოს ეროვნულ ნაკრებში თამაშზე გააკეთა.

ხვიჩა კვარაცხელიამ “რუბინს” ბრწყინვალე გოლით მოაგებინა (ვიდეო)

Posted on by ztsw2003

რუსეთის პრემიერ ლიგის ახალი სეზონის დაწყების წინ, დაიწყო ტურნირი პარი მატჩ პრემიერი, რომელშიც მონაწილეობას ყაზანის “რუბინიც” იღებს.

“რუბინის” სათადარიგოთა შემადგენლობაში იყო ხვიჩა კვარაცხელია, რომელიც თამაშში 47-ე წუთზე ჩაერთო. ხვიჩამ 91-ე წუთზე შესანიშნავი გოლი გაიტანა და საკუთარ გუნდს (1:0) მოაგებინა.

ყაზანური გუნდის განაცხადში არ ყოფილა ზურიკო დავითაშვილი, რომელიც დიდი ალბათობით, კლუბს დატოვებს.

იხილეთ ვიდეო

View this post on Instagram

A post shared by Андроид Рискующий (@androidrisku)

ცნობილია, რა თანხას მიიღებს ტოკიოს ოლიმპიადის გამარჯვებული საქართველოს მთავრობისაგან

Posted on by ztsw2003

საქართველოს მთავრობის გადაწყვეტილებით, ტოკიოს ოლიმპიური თამაშების გამარჯვებულს ერთი მილიონი ლარი გადაეცემა. ამის შესახებ განცხადება პრემიერ-მინისტრმა ირაკლი ღარიბაშვილმა ოლიმპიური და პარალიმპიური დელეგაციების ფიცის დადები ცერემონიაზე სიტყვით გამოსვლისას განაცხადა.

“ჩვენთვის დიდი პატივია თქვენი ტოკიოში გაცილება. ჩვენ ვართ ჩემპიონების ერი. მთელი ერი შემოგცქერით თქვენ. მინდა, გისურვოთ ყველას გამარჯვება, წარმატებები და ბოლოს მინდა, გაცნობოთ გადაწყვეტილების შესახებ, მთავრობის გადაწყვეტილებით, ოლიმპიური ჩემპიონი მიიღებს ერთ მილიონ ლარს”, – განაცხადა ღარიბაშვილმა.

შეგახსენებთ, რომ საქართველოს მთავრობის 2014 წლის დადგენილების მიხედვით, ოლიმპიურ თამაშებზე წარმატებით გამოსულ სპორტსმენებს ასეთი ოდენობის თანხები გადაეცემოდათ:

ა) I ადგილი – 170 000, გუნდური პირველობა – 340 000;
ბ) II ადგილი – 102 000, გუნდური პირველობა – 204 000;
გ) III ადგილი – 68 000, გუნდური პირველობა – 136 000;
დ) IV ადგილი – 20 400, გუნდური პირველობა – 40 800;
ე) V ადგილი –13 600, გუნდური პირველობა – 27 200;
ვ) VI ადგილი – 6 800, გუნდური პირველობა – 13 600.

ტიტე: “ვიცი, როგორ უნდა შევაჩეროთ მესი, მაგრამ არ გეტყვით”

Posted on by იაკობ კაპანაძე

მოახლოებული კოპა ამერიკის ფინალის წინ, ბრაზილიის საფეხბურთო ნაკრების მთავარმა მწვრთნელმა, ტიტემ, პრესკონფერენცია გამართა. ტიტეს თქმით, მის გუნდს მესის შეჩერების გეგმა აქვს.

“მე ვიცი, როგორ უნდა შევაჩეროთ მესი, მაგრამ არ გეტყვით. თუ არგენტინელები იტყვიან, როგორ აპირებენ ნეიმარის შეჩერებას, მხოლოდ მაშინ გეტყვით ჩვენი გეგმის შესახებ.

მსოფლიო ფეხბურთის ორი კუმირი ერთმანეთს ფინალში შეხვდება. მესისა და ნეიმარზე საუბარი ნიშნავს ბრწყინვალებაზე, პროფესიონალიზმზე, ტექნიკაზე, ფიზიკურ და მენტალურ სიძლიერეზე საუბარს.

ერთი რამ დანამდვილებით შემიძლია გითხრათ – დაუჯერებელი შოუ გელით,” – აცხადებს ბრაზილიის ნაკრების თავკაცი.

“ამაზონი” “არსენალზე” დოკუმენტურ სერიალს გადაიღებს

Posted on by იაკობ კაპანაძე

ლონდონის “არსენალის” ოფიციალური ვებ-გვერდი ფანებს ამცნობს, რომ Amazon Original-მა ლონდონური კლუბის შესახებ დოკუმენტური სერიალის გადაღება გადაწყვიტა. სახელი უკვე შერჩეულია – “ყველაფერი ან არაფერი: არსენალი”.

სერიალის პრემიერა მომავალ წელს შედგება Aazon Prime Video-ს პლატფორმაზე და მისი ნახვა 240 ქვეყანაში იქნება შესაძლებელი.

დოკუმენტური სერიალის მიზანი “მეთოფეთა” ფანებისთვის კულისებში არსებული მდგომარეობის გაცნობა იქნება გადამწყვეტი სეზონის წინ, როდესაც “არსენალი” საშინაო ასპარეზზე წარმატების მიღწევას და ევროპის ელიტაში დაბრუნებას შეეცდება.

გარდა მატჩების მიმდინარეობის განვითარებული მოვლენების ასახვისა, დოკუმენტური სერიალი დაგვანახებს იმ წინააღმდეგობებსაც, რომლებსაც ფეხბურთელები ხვდებიან საზოგადოებაში.

ზიდანი კლუბებს უარით ისტუმრებს და ნაკრებისგან ელის შემოთავაზებას

Posted on by იაკობ კაპანაძე

მადრიდის “რეალის” ყოფილი მწვრთნელი, ზინედინ ზიდანი, უახლოეს მომავალში საკლუბო ფეხბურთში დაბრუნებას არ გეგმავს. ზიდანმა უკვე უარით გაისტუმრა რამდენიმე შეთავაზება. ფრანგული პრესის ცნობით, ფეხბურთის ლეგენდა ნაკრებისგან ელის შემოთავაზებას.

როგორც იცით, 49 წლის სპეციალისტმა მადრიდის “რეალი” მიმდინარე სეზონის მიწურულს დატოვა. ზინედინს არაერთხელ აღუნიშნავს, რომ დიდი სიამოვნებით იმუშავებდა საფრანგეთის ნაკრების თავკაცის როლზე.

აღსანიშნავია, რომ საფრანგეთის ნაკრების მიერ ევრო-2020-ზე განცდილი კრახის შემდეგ, პრესაში აქტიურად იწერებოდა დიდიე დეშამი განთავისუფლების შესაძლებლობის შესახებ. თუმცა, ბოლო ინფორმაციით საფრანგეთის ფეხბურთის ფედერაციამ დეშამს ნდობა გამოუცხადა.

ევროპის ჩემპიონატი ერთდროულად რამდენიმე ქვეყანაში აღარ ჩატარდება?

Posted on by იაკობ კაპანაძე

უეფას პრეზიდენტმა, ალექსანდერ ჩეფერინმა, BBC Sport-ის ეთერში საუბრისას განაცხადა, რომ ევროპის ჩემპიონატის რამდენიმე განსხვავებულ ქვეყანაში ჩატარების იდეა აღარ მოსწონს.

– როგორ ფიქრობთ, ბოლოჯერ ვართ ევროპის ჩემპიონატის პანკონტინენტალური ფორმატით ჩატარების მომსწრენი, თუ კვლავ იქნება მსგავსი პრაქტიკა მომავალში?

– გულწრფელად გეტყვით, ამ იდეას მხარს აღარ ვუჭერ. ვფიქრობ, ტურნირის ასე ჩატარება ძალიან რთული რამ არის.

ცოტა არ იყოს, უსამართლოა, როდესაც ზოგ გუნდს 10 000 კილომეტრის გავლა უწევს, ზოგს კი – 1000. ეს არამარტო ფეხბურთელებისთვის, ფანებისთვისაც უსამართლო რამ არის. ზოგიერთი ფანი ჯერ რომში იყო სტუმრად, შემდეგ კი ბაქუში მოუწია გადაფრენა მომდევნო დღეს. ეს კი 4.5-საათიან ფრენას საჭიროებს.

ასე რომ, ყველაფერი რთულად არის. იდეა ნამდვილად საინტერესოა, მაგრამ მისი რეალიზება ურთულესია. არ ვფიქრობ, რომ მომავალში კვლავ იქნებ ასეთი ფორმატი.

ნეიმარი: “ყოველთვის ვოცნებობდი ფინალში არგენტინასთან თამაშზე”

Posted on by იაკობ კაპანაძე

ბრაზილიის საფეხბურთო ნაკრების თავდამსხმელმა, ნეიმარ ჟუნიორმა, კოპა ამერიკის ფინალამდე რამდენიმე საათით ადრე პრესასთან ისაუბრა. როგორც იცით, ფინალური შეხვედრა არგენტინისა და ბრაზილიის ნაკრებებს შორი 11 ივლისს 04:00 საათზე აიღებს სტარტს.

“ჩვენ ყველაფერი გვაქვს, რაც გამარჯვებისთვის არის საჭირო. მე მხოლოდ გამარჯვებაზე ვფიქრობ. ყოველთვის ვოცნებობდი ფინალში არგენტინასთან თამსზე. ნებისმიერი ადამიანი, რომელსაც ფეხბურთი უყვარს, მოუთმენლად ელის ასეთ ფინალს. ერთმანეთს დიდი ნაკრებები დაუპირისპირდებიან, რომელთაც ბევრი ტიტული აქვთ მოგებული.

არგენტინას ერთ-ერთი საუკეთესო ფეხბურთელი ჰყავს ლეო მესის სახით. ვფიქრობ, ეს მომენტი ძალიან კარგი იქნება ჩემი ფილმისთვის. ყოველთვის ვამბობ, რომ საუკეთესო ფეხბურთელია, ვინც კი მინახავს და ამავდროულად დიდებული მეგობარიც. თუმცა ფინალში ჩვენ ერთმანეთის მეტოქეები ვართ. მე გამარჯვება მინდა, ნაკრებთან ერთად პირველი დიდი ტიტულის მოგებას ვაპირებ.

როდესაც შენი მეგობარი მეტოქე ხდება, ძალიან რთულდება ყველაფერი. მეგობრობის დავიწყება ადვილი არ რაის. მაგრამ მე აქ მოსაგებად ვარ და დარწმუნებული ვარ, რომ მესიც ბოლომდე იბრძოლებს,” – აცხადებს ბრაზილიელი.

ილია თოფურია – რაიან ჰოლი: პირისპირ დგომი (ვიდეო)

Posted on by ztxjonelle

11 ივლისს, გამთენიისას, ილია თოფურია UFC-ში რიგით მესამე ბრძოლას გამართავს. ქართველის მეტოქე 36 წლის ამერიკელი რაიან ჰოლი იქნება.

დაპირისპირებამდე ერთი დღით ადრე, ორივე მებრძოლმა წონა ჩააბარა, შემდეგ კი ისინი ერთმანეთის პირისპირ წარსდგნენ.

View this post on Instagram

A post shared by 𝕿𝖍𝖊 𝕱𝖎𝖌𝖍𝖙 𝕸𝖆𝖋𝖎𝖆 (@thefightmafia)

“მოკეტე, თორემ მოვალ და ცხვირს დაგიმტვრევ, ვირთხავ!” – კონორი ჟურნალისტს (ვიდეო)

Posted on by ztsw2003

UFC-ის ყოფილ ჩემპიონს, კონორ მაკგრეგორს დასტინ პუარიესთან დაპირისპირების წინ, პრესკონფერენციაზე ჟურნალისტის დასმული შეკითხვა არ მოეწონა და მას საპასუხოდ ცხვირის მომტვრევით დაემუქრა.

ჟურნალისტი: “კონორ, მას შემდეგ, რაც ბარაკ ობამა აშშ-ის პრეზიდენტი აღარ არის, შენ მხოლოდ ერთი ბრძოლა მოიგე…”

მაკგრეგორი: “მოკეტე, თორემ მოვალ და ცხვირს დაგიმტვრევ, ვირთხავ! პატარა ვირთხა! ვიღაცამ გაიყვანეთ.”

შეგახსენებთ, რომ მაკგრეგორი-პუარიეს დაპირისპირება 11 ივლისს გაიმართება.

“რუბინის” დირექტორი: “ხვიჩასთან დაკავშირებით ერთი ოფიციალური შემოთავაზებაც კი არ მიგვიღია”

Posted on by -

“რუბინის” გენერალურმა დირექტორმა რუსტემ საიმანოვმა განაცხადა, რომ კლუბს ხვიჩა კვარაცხელიასთან დაკავშირებით ოფიციალური შემოთავაზება არავისგან მიუღია.

“ხვიჩას შესაძლო ტრანსფერთან დაკავშირებით სიახლე არ გვაქვს. ჯერ-ჯერობით შემოთავაზება არავისგან მიგვიღია. პრესაში ბევრს საუბრობენ, მაგრამ ეს უსაფუძვლო საუბარია. ჩვენ ყოველთვის ვამბობდით – გამოგვიგზავნეთ შემოთავაზება და განვიხილავთ. თუმცა, ერთი ოფიციალური წინადადებაც კი არ მიგვიღია”, – უთხრა საიმანოვმა RIA Novosti-ს.

რას ამბობდა ხვიჩას აგენტი?

კვარაცხელიას აგენტმა, მამუკა ჯუღელმა 6 ივნისს ტელეკომპანია იმედის ეთერში განაცხადა, რომ ხვიჩას ტრანსფერის საკითხი 15 ივლისამდე გადაწყდებოდა.

“15 ივნისს კვარაცხელია ყაზანში უნდა ჩამოვიდეს. გუნდი იკრიბება და ვარჯიშს იწყებენ. მე მგონია, რომ 15 ივნისიდან 15 ივლისამდე ყველაფერი გადაწყდება, იქამდე ტრანსფერი არ მოხდება”, – თქვა ჯუღელმა.