უნგრეთის ეროვნული ნაკრების მთავარმა მწვრთნელმა, მარკო როსიმ სოციალურ ქსელ Instagram-ში პოსტი გამოაქვეყნა, რასაც საზოგადოების დიდი გამოეხმაურება მოჰყვა.
56 წლის სპეციალისტმა სოციალურ ქსელში განათავსა სურათი, რომელზეც ის კრიშტიანო რონალდუსთან, კილიან მბაპესთან და მანუელ ნოიერთან ერთად ჩანს.
“მალე გნახავთ პლაჟზე”, – წერს როსი.
შეგახსნებთ, რომ უნგრეთის ნაკრები F ჯგუფში პორტუგალიასთან, საფრანგეთთან და გერმანიასთან ერთად თამაშობდა. ოთხივე გუნდი ევროპის ჩემპიონატს უკვე გამოეთიშა.
“დინამო თბილისის” პრეზიდენტმა აზერბაიჯანულ Azerisport-თან “ნეფთჩისთან” მატჩამდე კომენტარი გააკეთა.
“კარგია, რომ “ნეფთჩისთან” ვითამაშებთ. დარწმუნებული ვარ, საინტერესო დაპირისპირება გამოვა. ორივეს გუნდს თანაბარი შანსი აქვს. ყველაფერი მოედანზე გადაწყდება.
ბიუჯეტი უდიდეს როლს თამაშობს კლუბის ფორმირებაში, მაგრამ ეს ხშირად საკმარისი არ არის. ძალიან ბევრი ნიჭიერი ახალგაზრდა თამაშობს ჩვენთან.
“ნეფთჩისთან” მარცხი კატასტროფა იქნება? არა, ესე არ ვფიქრობ. თქვენთვის “დინამოსთან” მარცხი კატასტროფად შეფასდება? მთავარია, გუნდებმა ლამაზი ფეხბურთი აჩვენონ. თბილისში შეხვედრას გულშემატკივრებიც დაესწრებიან და ისინი ტრიბუნებზე ყოველთვის საოცარ ატმოსფეროს ქმნიან”, – განაცხადა რომან ფიფიამ.
ჩემპიონთა ლიგის პირველ საკვალიფიკაციო ეტაპზე “დინამო” “ნეფთჩის” 7 ივლისს უმასპინძლებს, 14-ში კი ბაქოში ეწვევა.
30 ივნისს, ლიონელ მესის “ბარსელონასთან” ხელშეკრულება დაუმთავრდა. არგენტინელი სუპერვარსკვლავი ახლა თავისუფალი აგენტია.
კატალონიური კლუბის ხელმძღვანელებს იმედი ჰქონდათ, რომ მესისთან ახალ კონტრაქტს 30 ივნისამდე გააფორმებენ, მაგრამ ეს ვერ მოხერხდა. მიუხედავად ამისა, მათ სჯერათ, რომ ლეოსთან შეთანხმებას მაინც მიაღწევენ და ახალ ხელშეკრულებას უახლოეს ხანებში დადებენ.
მოლაპარაკებები გრძელდება
მხარეებს შორის საუბარი აქტიურად მიმდინარეობს. “ბარსელონას” პრეზიდენტ ჟოან ლაპორტას კომუნიკაცია აქვს მესის მამასთან და აგენტთან, ხორხე მესისთან. მოლაპარაკებების გაჭიანურების მთავარი მიზეზი ფინანსური დეტალებია.
34 წლის შემტევის ერთ-ერთი მთავარი მოთხოვნაა, რომ მის გარშემო ძლიერი გუნდი შეიკრას, რომელიც უმაღლესი მიზნებისათვის იბრძოლებს.
ლაპორტამ El Transistor-თან ინტერვიუში თქვა: “ჩვენ გვინდა, რომ მესი დარჩეს და თავად ფეხბურთელსაც ეს სურს. ვეძებთ საუკეთესო გამოსავალს ორივე მხარისათვის.”
“ბარსელონას” პრობლემა
როგორც ცნობილია, “ბარსელონას” 1.2 მილიარდის ოდენობის ვალი აქვს, რაც ცხადია, სხვადასხვა სახის მოლაპარაკებებში მნიშვნელოვან როლს ასრულებს.
კლუბმა მოახერხა და ზაფხულში უკვე დაიმატა სერხიო აგუერო, ერიკ გარსია და მემფის დეპაი.
მესის სტატუსი
მესი ახლა თავისიუფალი აგენტია, რაც სიტუაციას შედარებით კიდევ ართულებს. თუ “ბარსელონა” მასთან ახალ კონტრაქტს გააფორმებს, ის ლა ლიგაში ახალი ფეხბურთელის სტატუსით უნდა დაარეგისტრირონ.
ახლა “ბარსელონამ” უნდა იპოვოს გზა, რომელიც ლა ლიგის ფინანსურ რეგულაციებს მოერგება. ორგანიზაციის პრეზიდენტი ხავიერ ტებასი კლუბს აფრთხილებს, რომ ხელფასები შეამციროს, წინააღმდეგ შემთხვევაში, შესაძლებელია, მესის 2021-2022 წლების სეზონში ლა ლიგაში რეგისტრაციას პრობლემა შეექმნას.
1 ივლისის 02:00 საათზე ლეო მესის “ბარსელონასთან” კონტრაქტი ამოეწურა და თავისუფალი აგენტის სტატუსის მატარებელი გახდა.
მესისა და “ბლაუგრანას” შორის შეთანხმება ჯერაც არ არსებობს, თუმცა ესპანური გამოცემების ცნობით, ეს ვითარება დროებითია და მალე ყველაფერი ნათელი გახდება.
მესი “ბარსელონას” სისტემაში 2000 წელს გამოჩნდა. 34 წლის სუპერვარსკვლავის დებიუტი “ლურჯ-ბროწეულისფერთა” რიგებში 2003 წლის ნოემბერში შედგა.
გასულ სეზონში ლეო მესის ანგარიშზე ლა ლიგის 35 მატჩში გატანილი 30 გოლი და 9 საგოლე გადაცემა დაგროვდა. ამჟამად კი ის ბრაზილიაში მიმდიარე კოპა ამერიკაზე თამაშობს.
29 ივნისს, ევროპის ჩემპიონატის მერვედფინალში ინგლისის ნაკრებმა გერმანია 2:0 დაამარცხა.
მატჩის ბოლო წუთებში, როცა ანგარიში 1:0 იყო, რაჰიმ სტერლინგმა შეცდომა დაუშვა, რის შემდეგაც მეკარესთა პირისპირ ტომას მიულერი დარჩა. გერმანელმა საგოლე შანსი ვერ გამოიყენა.
სტერლინგმა დაშვებული შეცდომა ძალიან განიცადა, თუმცა ის თანაგუნდელებმა გაამხნევეს.
His reaction his team mates picking him up this team is different pic.twitter.com/Mc9b7si4WQ
— Josephellul4 (@Josephellul41) June 30, 2021
29 ივნისს, აზიის ჩემპიონთა ლიგის ჯგუფური ეტაპის მეორე ტურში ვაკო ყაზაიშვილის “ულსანმა” ტაილანდური “პატჰუმ იუნაიტედი” 2:0 დაამარცხა.
წვიმის გამო, გუნდებს თამაში რთულ პირობებში უწევდათ…
“რომას” ლეგენდა ფრანჩესკო ტოტი მეუღლესთან, ილარი ბლაზისთან ერთად მოსკოვში იმყოფება. ისინი ერთ-ერთ ქართულ რესტორანს ესტუმრნენ, სადაც ქართული კერძები დააგემოვნეს.
ილარი ბლაზი ტოტის ქართულ კერძებს სთავაზობს და ცდილობს ის გამოკვებოს, თუმცა ვეტერანი ფეხბურთელი უარზეა.
ლონდონის “ტოტენჰემის” ოფიციალური ვებ-გვერდი ადასტურებს ინფორმაციას გუნდის მთავარი მწვრთნელის პოსტზე ნუნუ ეშპირიტუ სანტუს დანიშვნის თაობაზე.
რამდენადაც ჩვენთვის ცნობილი ხდება, “ვულვერჰემპტონის” ყოფილი თავკაცი “სპურსთან” 2023 წლის ზაფხულამდე ითანამშრომლებს.
გასულ სეზონში “ტოტენჰემმა”, რომელსაც ჟოზე მოურინიო და რაიან მეისონი წვრთნიდნენ, პრემიერ ლიგაში მეშვიდე პოზიცია დაიკავა. “ვულვზმა” კი სეზონი მე-13 ადგილზე დაასრულა.
😁 #WelcomeNuno pic.twitter.com/YhPNTjqfsm
— Tottenham Hotspur (@SpursOfficial) June 30, 2021
საფრანგეთის ნაკრების შემადგენლობაში მსოფლიოს 2018 წლის ჩემპიონატის გამარჯვებულმა, ადილ რამიმ, კილიან მბაპესთან დაკავშირებით საკმაოდ საინტერესო განცხადება გააკეთა.
“მბაპეს გადამწყვეტი პენალტი მეკარემ მოიგერია და ამაში რაღაც კარგიც არის. ამის გამო მბაპე ძალიან ბევრს დაიტანჯება, ბევრს გააკრიტიკებენ და გადარჩენა მოუწევს. ის ზრდასრული გახდება და მიხვდება, თუ რა არის ფეხბურთი.
ასე რომ, გარკვეულწილად მოხარული ვარ მბაპეს ტანჯვის ხილვით, რადგანაც ასე ის ოქროს ბურთს მოიგებს,” – აცხადებს ადილ რამი უცხოურ პრესასთან საუბრისას.
შეგახსენებთ, რომ “პარი სენ-ჟერმენის” ვარსკვლავმა ევროპის 2020 წლის ჩემპიონატის მერვედფინალურ მატჩში გადამწყვეტი პენალტი გააფუჭა, რის გამოც ფრანგები შვეიცარიელებთან დამარცხდნენ.
ფეხბურთის ასოციაციათა საერთაშორისო ფედერაციის პრეზიდენტი, ჯანი ინფანტინო, პრესასთან საუბრისას აღიარებს, რომ მსოფლიო საკლუბო ჩემპიონატის დასკვნით ეტაპზე უფრო მეტი კონკურენტის ხილვა სურს.
“ჩვენი მიზანი გულშემატკივებისთვის უფრო ჯანსაღი ფეხბურთის შეთავაზებაა. ჩვენ გვინდა ნაკლები დისკრიმინაცია და მეტი კონკურენცია ფეხბურთში. ამისთვის კი სრულად უნდა გადავხედოთ კალენდრებს და არა მხოლოდ მსოფლიო საკლუბო ჩემპიონატს.
საერთაშორისო კალენდარი უკვე შედგენილია 2024 წლამდე. ამის შემდეგ კი სიცარიელე მოჩანს, რის გამოყენებასაც შევეცდებით.
ჩემი ოცნება, ჩვენი იდეა და ფილოსოფია ასეთია – გვინდა, რომ 50-მა კლუბმა იბრძოლოს ყველა კონტინენტიდან მსოფლიო საკლუბო ჩემპიონატის მოსაგებად და 50-მა ნაკრებმა იბრძოლოს მსოფლიო ჩემპიონატის გამარჯვებულის გამოსავლენად,” – აცხადებს ინფანტინო.
28 ივნისს, ევროპის ჩემპიონატის მერვედფინალში ერთმანეთს საფრანგეთისა და შვეიცარიის ნაკრებები დაუპირისპირდნენ. მატჩის ძირითადი დრო ფრედ 3:3 დასრულდა, საქმე პენალტების სერიამდე მივიდა, სადაც გამარჯვება შვეიცარიელებმა მოიპოვეს.
შვეიცარიის ნაკრების თავდამსხმელმა გავრანოვიჩმა ანგარიში ძირითადი დროის ბოლო წუთებში გაათანაბრა, რასაც ფრანგებს შორის დაძაბულობა მოჰყვა.
ფრანგული მედიის ცნობით, ადრიენ რაბიო, რაფაელ ვარანი და ბენჟამინ პავარი უკამყოფილოები იყვნენ იმით, რომ პოლ პოგბა გუნდს დაცვაში არ ეხმარებოდა. ასევე, ვარანმა შენიშვნა მისცა პავარსაც.
“მოედანზე სიგიჟე ხდებოდა. ფეხბურთელები ერთმანეთს შეურაცხმყოფელი სიტყვებით ხშირად მიმართავდნენ. პოგბამ და ვარანმა ერთმანეთთან იკამათეს. ტურნირის მიმდინარეობისას პოგბამ თავისი დადებითი მხარეები დაგვანახა, მაგრამ დაცვაში კატასტროფულად თამაშობდა. ვარანმა პავარს უსაყვედურა, პავარმა კი მას უპასუხა: “მართალი ხარ, მაგრამ მარტო ვარ და პოგბას ეს არ აინტერესებს”. ამის შემდეგ, ვარანი პოგბასთან მივიდა და ეს უთხრა, რასაც მოჰყვა ის, რომ ამ უკანასკნელმა პავართან საუბარი დაიწყო. ეს ყველაფერი მთელი მატჩის განმავლობაში გრძელდებოდა”, – აცხადებს L’Equipe-ის ჟურნალისტი სებასტიენ ტარაგო.
