იტალიის ეროვნული ნაკრების მთავარმა მწვრთნელმა, რობერტო მანჩინიმ ევროპის ჩემპიონატის მერვედფინალში ავსტრიასთან გამარჯვების (2:1) შემდეგ კომენტარი გააკეთა.
“გამარჯვება დავიმსახურეთ. პირველ ტაიმშივე შეგვეძლო ორი გოლის გატანა და გვქონდა იმის საშუალებაც, რომ საქმე დამატებით ტაიმებში არ გადაგვეყვანა. შეცვლაზე შემოსული ფეხბურთელები თამაშში სწორი მენტალობით ჩაერთვნენ და თამაშში მნიშვნელოვანი სიახლე შემოიტანეს. ვიცოდი, რომ გამარჯვება რთული იქნებოდა, მაგრამ ჩვენ ეს დავიმსახურეთ. კარგი ტესტი იყო, ხასიათი გამოვავლინეთ”, – განაცხადა მანჩინიმ RAI Sport-თან ინტერვიუში.
