ეროვნული ლიგის აუტსაიდერი “სამტრედია” გაძლიერებას ცდილობს და 2 ყოფილი ფეხბურთელი დაიმატა.

“სამტრედიაში” 29 წლის მარჯვენა მცველი გიორგი მჭედლიშვილი დაბრუნდა, რომელიც ბოლოს წყალტუბოს “სამგურალში” თამაშობდა. მჭედლიშვილი “სამტრედიაში” 3 წელი იყო და სამტრედიიდან ხორვატულ “გორიცაში” გადაბარგდა.

33 წლის მცველი ჯემალ გოგიაშვილი “სამტრედიას” ახალგაზრდულ დაცვას გამოცდილებას შემატებს. გოგიაშვილი “სამტრედიაში” 2017 წელს იყო და 27 მატჩი ჩაატარა.

საინტერესოა, რომ “სამტრედიას” ორივე ფეხბურთელი 2015 წელს “გურიადან” შეუერთა და ორივემ ერთად დატოვა კლუბი 2018 წელს.

საიჯარო ვადა ამოეწურა და “თელავში” გააგრძელებს კარიერას ირაკლი რუხაძე.

 

ქუთაისის “ტორპედოში” დაბრუნების შემდეგ კახა ჩხეტიანმა მე-2 ტაიმში ბათუმის “დინამოს” ქამბექი დაუდო და 2-2 ითამაშა.

“დინამომ” მე-2 წუთზევე გახსნა ანგარიში და ფანცულაიამ გროზურეკის პასით გაიტანა. ჩხეტომ 2 იძულებული ცვლილება გააკეთა და ჯერ ძარია, შემდეგ კი ალიკო ჩაკვეტაძე შეცვალა. თედორე გრიგალაშვილს კი ტაიმის ბოლოსკენ ბურთი თავში მოხდა და ბათუმელებმა ორბურთიანი უპირატესობა მიიღეს.

მე-2 ნახევარში 3 წუთიან მონაკვეთში ჯერ ფადი ზიდანმა პენალტი მოიპოვა, შემდეგ კი თვითონ ზიდანმა გაათანაბრა. პენალტი საკმაოდ საეჭვო ვითარებაში დაინიშნა და წესით, არ უნდა დანიშნულიყო.

მოედანზე 46-ე წუთზე გროზურეკის ნაცვლად ჯოვინო ფლამარიონი შემოვიდა, რომელიც “როტორიდან” დაბრუნდა.

ტორპედო 2-2 დინამო ბათუმი

გოლები: მამასახლისი 64, ზიდანი 67 – ფანცულაია 2, გრიგალაშვილი 34 (ავტოგოლი)

ტორპედო: ჰამზიჩი – გრიგალაშვილი, ქაფიანიძე, ჩაკვეტაძე (გოგუაძე 45), ნადარაია – მამასახლისი – ტაბატაძე, ინკუმი, ძარია (ფირანიშვილი 11), რეკიში – ზიდანი

მთავარი მწვრთნელი: კახა ჩხეტიანი

დინამო: კუპატაძე – მამუჩაშვილი, გაგოშიძე, კობახიძე, აზაროვი – ალთუნაშვილი (შინდაგორიძე 80), ტეიდი – გროზურეკი (ფლამარიონი 46), ზარია (ჯიღაური 46), გაფრინდაშვილი (მანჯგალაძე 63) – ფანცულაია (სანოგო 70)

მთავარი მწვრთნელი: გია გეგუჩაძე

27 წლის ნახევარმცველი ბექა ვარშანიძე კარიერას ქობულეთის “შუქურაში” გააგრძელებს.

ვარშანიძე ბოლოს “ვენტსპილსში” თამაშობდა, რომელიც 2 კვირის წინ დატოვა და აჭარაში დაბრუნდა.

ბექა დღეს უკვე პირველ მატჩს ატარებს “შუქურაში” და გორის “დილას” წინააღმდეგ ძირითად შემადგენლობაში იმყოფება.

ვარშანიძის პირველი გუნდი “დინამო ბათუმი” იყო, სადაც წლები ასპარეზობდა. “დინამოდან” “შევარდენში” იჯარით იყო განათხოვრებული, შემდეგ “თელავში” და “თელავიდან” ლატვიაში წავიდა.

ბოლნისის “სიონი” კაპიტანმა ალექსანდრე კობახიძემ და მთავარმა მწვრთნელმა ვარლამ კილასონიამ  დატოვეს.

“სიონმა” ეროვნული ლიგა 2 საოცრად დაიწყო და სხვა კლუბებთან უდიდესი უპირატესობა ჰქონდა, მაგრამ ბოლო 6 მატჩში 4 წააგო და “გაგრამ” გადაასწრო.

შედეგად, ხელმძღვანელობამ ვარლამ კილასონია გაუშვა და მის ნაცვლად გიორგი დარასელია დანიშნა. “სიონიდან” კი მალევე კობახიძეც, ორმხრივი შეთანხმების საფუძველზე, წავიდა.