სოციალურ ქსელში გარკვეულ საიტებზე და არხებზე აქტიურად ვრცელდება ინფორმაცია, რომ ხვიჩა კვარაცხელიას მოპარული მანქანის დაბრუნების საკითხში იტალიური მაფია ჩაერთო და სწორედ მათი მეშვეობით მოხერხდა მანქანის დაბრუნება.

იწერება, რომ ადრე მარეკ ჰამშიკსა და დიეგო მარადონას სწორედ მაფიოზები დაეხმარნენ სხვადასხვა საკითხის მოგვარებაში და რადგან კვარა ბოლო 2 თვეში “ნაპოლისთვის” იმდენად მნიშვნელოვანი მოთამაშე გახდა, “კვარადონაც” კი უწოდეს, მაფიოზები მასაც ხელს შეუწყობდნენ.

რეალურად, ხვიჩას მანქანა პოლიციამ GPS-ის საშუალებით ძალიან მალე იპოვა.

ამიტომ, მნიშვნელოვანია არ ვენდოთ არასწორ ინფორმაციებს…

“ნაპოლიმ” სერია A-ში 13 მატჩი ჩაატარა და 11 მოიგო. ჩემპიონატს 35 ქულით ლიდერობს და უახლოეს მდევარ “მილანს” 6 ქულით უსწრებს.

“ნაპოლიმ” ჩემპიონთა ლიგის ჯგუფურ ეტაპზე პირველი ადგილი დაიკავა და “ლივერპულს” აჯობა.

მიუხედავად 16 გამარჯვებისა და უამრავი წარმატებისა, ბოლო ერთ კვირაში მომხდარი 2 ქურდობის (კვარასა და ცენტრალურ მცველ კიმს მანქანები მოპარეს) გამო, ნეაპოლს იტალიურ პრესაში სახელი სერიოზულად შეელახა.

გარდა ამისა, “ნაპოლის” ხელმძღვანელობას ბრალს დებენ, რომ ფეხბურთელების უსაფრთხოება დაცული არ არის და საჭიროა, ამ მხრივ გუნდმა მეტი გააკეთოს.

არაერთი სტატია დაიწერა Tuttosport-ზე, Gazzeta-ში, Corriere-ზე და სხვა ცნობილ გამოცემებში.

ქურდობის შემდეგ კვარამ სახლის შეცვლაც გადაწყვიტა და დროებით, სასტუმროში გადავიდა.

სამშაბათს “ნაპოლი” სერია A-ს მორიგ ტურში “ემპოლის” მიიღებს, თუმცა ხვიჩა კვარაცხელიას თამაში პრაქტიკულად გამორიცხულია.

იტალიური მედიის ინფორმაციით, კვარას წელის ტკივილი ჯერ კიდევ აწუხებს და მხოლოდ თერაპიით შემოიფარგლება. მას ვარჯიშში მონაწილეობა არ მიუღია და ნეაპოლელები ქართველის ჯანმრთელობით გარისკვას არ აპირებენ.

სპალეტიმ, შესაძლოა, კვლავ ელმასი დააყენოს ან ამჯერად, ჯაკომო რასპადორი ხვიჩას ადგილას.

მომდევნო მატჩი “ნაპოლის” 12 ნოემბერს “უდინეზესთან” აქვს. აქ უკვე კვარას მეტი შანსი აქვს მოედანზე გამოვიდეს.

ცნობილი რუსი ჟურნალისტი ხვიჩა კვარაცხელიასა და მარადონას შედარებაზე წერს.

“არ არსებობს რაიმე ენთუზიაზმი, რომელსაც კვარა არ იმსახურებს, მაგრამ მისი გოლ+ასისტის შედარება მარადონას პირველ სეზონთან, ვფიქრობ, უადგილოა. როცა მარადონა ნეაპოლში ჩავიდა, სერიოზული საუბარი იყო, რომ ფეხბურთს უგოლო სიკვდილი ელოდა”

“არავინ აძლევდა წითელ ბარათს მცველებს, რომლებიც უკნიდან ურტყამდნენ ფეხებში ან ბოლო იმედის ჯარიმას იღებდნენ. მცველები ძალიან ეფექტურად და ბრუტალურად თამაშობდნენ. “ნაპოლის” ახლა 30 გოლი აქვს და 1985 წლის გაზაფხულზე, როცა ჩემპიონატი მორჩა, 34 ჰქონდა”

“ამიტომ, აზრი არ აქვს მათ შედარებას. რიცხვები არაფერს ამბობენ” – წერს უტკინი.

კვარამ 16 მატჩში 8 გოლი და 10 ასისტი შეასრულა. მარადონას 6 გოლი და 3 ასისტი ჰქონდა.

იტალიური მედიის ინფორმაციით, პოლიციამ 24 საათზე ნაკლებ დროში ხვიჩა კვარაცხელიას მოპარული მანქანა იპოვა.

Mini Countryman, რომელიც კვარამ 28 სექტემბერს იყიდა, ქალაქ ავერსაში ნახეს. ავერსა ქართველის სახლიდან 4 საათის სავალზეა.

როგორც ცნობილია, მანქანა კარგ მდგომარეობაშია და სულ მალე ფეხბურთელს დაუბრუნებენ.

ხვიჩა შემთხვევის ადგილზე