იტალიური მედიის ინფორმაციით, “ნაპოლი” წარმატების 2 მთავარ შემოქმედს, ლუჩანო სპალეტისა და ხვიჩა კვარაცხელიას ახალ კონტრაქტებს უმზადებს.

სპალეტის კონტრაქტი მიმდინარე სეზონის ბოლოს ეწურება, მაგრამ ხელმძღვანელობა გაუმჯობესებული პირობებით, ახალს შესთავაზებს.

იგივე ეხება კვარას, თუმცა ხვიჩა შემთხვევაში 2027 წელი არ შეიცვლება და უბრალოდ, გაიზრდება ხელფასი. ახლა ქართველი 1.5-1.7 მილიონ ევროს გამოიმუშავებს და თანხა 3 მილიონზე ავა.

მანამდე “აძურიმ” ხელშეკრულება მეკარე მერეტს გაუხანგრძლივა.

ხვიჩა კვარაცხელიას “ნაპოლი” სერია A-ს ლიდერია 32 ქულით და ამაში უდიდესი წვლილი სწორედ ქართველს აქვს შეტანილი. ბოლო მატჩში “სასუოლოს” წინააღმდეგ 1 გოლი და 2 ასისტი დადო.

Italian Football TV-მ ძალიან საინტერესო სტატისტიკა შემოგვთავაზა, რომლის მიხედვითაც, კვარაცხელიამ 1128 წუთში 8 გოლი და 8 ასისტი შეასრულა. ამ შედეგისთვის იგუაინს 1723, რონალდოს 2474, ჯეკოს 2792 წუთი და სხვა ვარსკვლავებს გაცილებით მეტი დრო დასჭირდათ.

იტალიელი ჟურნალისტები აღნიშნავენ, რომ სერია A-ში პირველად თამაშისას პლატინსა და ზიდანსაც კი პრობლემები შეექმნათ, მაგრამ კვარა პირველი შეხვედრიდან ადაპტირდა და საოცრად შეეწყო იტალიას.

იტალიელმა ჟურნალისტმა უმბერტო კიარიელომ ხვიჩა კვარაცხელიაზე ისაუბრა.

“აურელიო დე ლაურენტისს გეგმები გაუმართლდა. დაბალი ხელფასები, “არსენალის” 80 მილიონ ევროზე უარის თქმა ვიქტორ ოსიმენზე და ფსონი ხვიჩა კვარაცხელიაზე, რომელიც მაქამდე სერია C-ში თამაშობდა, ბათუმში. საქართველოს ჩემპიონატი სერია C-ს დონეა. როცა მიშელ პლატინი იტალიაში მოვიდა, რამდენიმე თვე საუბრობდნენ მის არასწორ ტრანსფერზე. ზინედინ ზიდანსაც კი პრობლემები ჰქონდა პირველი 6 თვე, მაგრამ არა კვარას” – განაცხადა კიარიელომ.

“ნაპოლიმ” კვარაცხელია 10 მილიონ ევროდ შეიძინა.

“სასუოლოსთან” მატჩის შემდეგ ხვიჩა კვარაცხელიამ მაისური ქართველ გულშემატკივრებს გადაუგდო, თუმცა ნეაპოლელმა ფანმა ყველას დაასწრო, მოიპარა და სტადიონი დატოვა.

ამას სოციალურ ქსელში უარყოფითი გამოხმაურება მოჰყვა. იტალიელებმა პეტიციები შექმნეს, რომ მისთვის “ნაპოლის” მატჩებზე დასწრება აეკრძალათ და სამარცხვინოს უწოდებდნენ მის საქციელს.

ქართველი გულშემატკივრები უფრო ლმობიერები ჩანდნენ და აღნიშნავდნენ, თუ როგორ უყვართ და რაზე არიან წამსვლელი ფანები კვარას მაისურის გამო.

როგორც Areanapoli წერს, იტალიელებმა იპოვეს ეს ფანი და ქართველებს მაისური დაუბრუნეს.

ხვიჩა კვარაცხელიამ “სასუოლოს” წინააღმდეგ ბრწყინვალე მატჩი ჩაატარა და 1 გოლი და 2 ასისტი დადო.

Sofascore-მა კვარას ოსიმენის შემდეგ ყველაზე მაღალი – 9 ქულა დაუწერა. ოსიმენმა 9.2 მიიღო ჰეთრიკის გამო.

Whoscored-დან 9.7 ქულა დაიმსახურა ვიქტორმა, ხვიჩამ კი 8.6.

კვარა-ოსიმენის დუეტი დღეს ერთ-ერთი ყველაზე საშიშია მსოფლიოში.