საქართველოს ეროვნული საფეხბურთო ნაკრები ბულგარეთთან გამარჯვების შემდეგ კვლავ ქალაქ რაზგრადში იმყოფება. ვილი სანიოლის გუნდმა 6 ივნისს ს.კ.” ლუდოგორეცის” საწვრთნელ ბაზაზე აღდგენითი ვარჯიში გამართა. საწვრთნელ პროცესში 29 ფეხბურთელი მონაწილეობდა. საქართველოს ეროვნული ნაკრები 7 ივნისს, ჩრდილოეთ მაკედონიაში გაემგზავრება, სადაც უეფას ერთა ლიგის მესამე ტურის მატჩისთვის მოემზადება.

8 ივნისს ჩრდილოეთ მაკედონიისა და საქართველოს ნაკრებთა მატჩის მასპინძელ სტადიონზე ვილი სანიოლის პრესკონფერენცია შედგება. მოგვიანებით ჩვენი გუნდი სკოპიეში თამაშამდე ბოლო ვარჯიშს გამართავს.

ჩრდილოეთ მაკედონიისა და საქართველოს საფეხბურთო დაპირისპირება თბილისის დროით 22:45 საათზე დაიწყება. შეხვედრის რეპორტაჟს საქართველოს პირველი არხი შემოგთავაზებთ.

საქართველოს ნაკრების სია ერთა ლიგის მატჩებისთვის

მეკარე: გიორგი ლორია (ანორთოსისი, ფამაგუსტა, კვიპროსი), გიორგი მამარდაშვილი (ვალენსია, ესპანეთი), ლაზარე კუპატაძე (დინამო, ბათუმი, საქართველო)

დაცვა: გურამ კაშია (სლოვანი, ბრატისლავა, სლოვაკეთი), ოთარ კაკაბაძე (კრაკოვია, კრაკოვი, პოლონეთი), გურამ გიორბელიძე (დინამო, დრეზდენი, გერმანია), გრიგოლ ჩაბრაძე (დინამო, ბათუმი, საქართველო), დავით ხოჭოლავა (კოპენჰაგენი, დანია). ლუკა ლოჩოშვილი (ვოლფსბერგი, ავსტრია), ლაშა დვალი (ფერენცვაროში, ბუდაპეშტი, უნგრეთი), სოლომონ კვერკველია (გაგრა, საქართველო), მამუკა კობახიძე (დინამო, ბათუმი, საქართველო), ირაკლი აზაროვი (დინამო, ბათუმი, საქართველო)

ნახევარდაცვა/თავდასხმა: საბა ლობჟანიძე (ჰატაისპორი, ანტაკია, თურქეთი), ნიკა კვეკვესკირი (ლეხი, პოზნანი, პოლონეთი), ოთარ კიტეიშვილი (შტურმი, გრაცი, ავსტრია), ხვიჩა კვარაცხელია (დინამო, ბათუმი, საქართველო), ზურიკო დავითაშვილი (დინამო,ბათუმი, საქართველო), ვაკო გვილია (რაკუვი, ჩესტოხოვა, პოლონეთი), ვლადიმერ მამუჩაშვილი (დინამო, ბათუმი, საქართველო), სანდრო ალთუნაშვილი (დინამო, ბათუმი, საქართველო) ანზორ მექვაბიშვილი (დინამო, თბილისი, საქართველო), გიორგი ჩაკვეტაძე (ჰამბურგი, გერმანია), გიორგი აბურჯანია (ჟილ ვისენტე, ბარსელო, პორტუგალია), გიორგი წიტაიშვილი (ვისლა, კრაკოვი, პოლონეთი), ვაკო ყაზაიშვილი (ულსან ჰიუნდაი, სამხრეთ კორეა), ბუდუ ზივზივაძე (უიპეშტი, ბუდაპეშტი, უნგრეთი), ბექა მიქელთაძე (ნიუკასლ ჯეტსი, ავსტრალია), გიორგი მიქაუტაძე (სერენი, ბელგია)

საქართველოს ეროვნული ნაკრების მთავარმა მწვრთნელმა, ვილი სანიოლმა ბულგარეთის ნაკრებთან სტუმრად, დამაჯერებელი გამარჯვების (2:5) მოპოვების შემდეგ ვრცელი კომენტარი გააკეთა.

„გუშინ ვისაუბრეთ სწრაფი ფეხურთის თამაშის შესახებ, თუმცა მატჩის წინ ეს მხოლოდ თეორიული საუბარია. ფეხბურთელებმა 100 პროცენტით გაამართლეს ჩემი იმედები და ამაყი ვარ. თავს პრივილეგირებულ ადამიანად ვთვლი, რადგან ასეთი მოთამაშეები მყავს. მათ უყვართ საკუთარი ქვეყანა და ფასეულობები. ძალიან კარგი დინამიკა გვაქვს, თუმცა მოთამაშეებმა იციან, რომ ფრთხილად უნდა ვიყოთ, რათა ეს დინამიკა არ დავკარგოთ. ანალოგიური პროფესიონალიზმით უნდა მივუდგეთ ჩვენს საქმეს სკოპიეში.

შემადგენლობაში გარკვეული ცვლილებები გვქონდა, რაც ბუნებრივია. 10 დღეში 4 თამაში გვაქვს და მნიშვნელოვანია, რომ დინამიკის შესანარჩუნებლად სიახლეები შევიტანოთ გუნდში. დღევანდელი გადაწყვეტილება, რომ ლობჟანიძის ნაცვლად კაკაბაძეს ეთამაშა ფლანგზე, ტაქტიკური ხასიათის იყო. ის უფრო დაცვითი ფეხბურთელია და ვიფიქრე, რომ დღევანდელი მატჩისთვის ეს უკეთესი არჩევანი იქნებოდა. გარდა ამისა, საბამ 90 წუთი ითამაშა გიბრალტართან, საკმაოდ ბევრი სპრინტი ჰქონდა და მისი დასვენება აუცილებელი იყო. რა თქმა უნდა, ის დაგვეხმარება შემდეგ თამაშებში. 29 ფეხბურთელი გვყავს და ჩვენ ვაგებთ და ვიგებთ ერთად. მოთამაშეები ძალიან კარგად შეეწყვნენ ერთმანეთს, ისინი ბედნიერები არიან ერთად ყოფნით, ბრძოლით და ეს გაცილებით იოლს ხდის ჩემს მუშაობას.

ჩემი მიზანი ყოველთვის იყო სწრაფი ფეხბურთის თამაში ისე რომ დაცვაში სტაბილურობა არ დაგვეკარგა. უკანასკნელი თვეების განმავლობაში ამას მივაღწიეთ. თავდაჯერებულები ვართ, დაცვაში კარგად ვთამაშობთ, გვყავს მოთამაშეები, რომლებიც სწრაფად თამაშობენ კონტრშეტევაზე და ამისთვის მათ სივრცე სჭირდებათ. სწორედ ამიტომ, ჩვენ საკუთარ ნახევარზე ვიცავთ თავს და შემტევი ფეხბურთელები ამას სიამოვნებით აკეთებენ, რათა შეიქმნან სივრცე შეტევისთვის.

ჩვენი გულშემატკივრების ხმა მთელი თამაშის განმავლობაში უფრო მეტად ისმოდა. ზოგმა თვითმფინავით, ზოგმა ავტობუსით, ზოგმაც პირადი ავტომობილით იმგზავრა. ამაყები ვართ ასეთი გულშემატკივრებით და ბედნიერიები ვართ, რომ მათი გახარება შევძელით. ვეცდებით, რომ ოთხ დღეშიც ლამაზი საღამო ვაჩუქოთ მათ”, – განაცხადა ფრანგმა სპეციალისტმა.

საქართველოს ნაკრები მომდევნო შეხვედრას 9 ივნისს, სტუმრად, ჩრდილოეთ მაკედონიის წინააღმდეგ გამართავს.

ფოტო | ტექსტი: nakrebi.ge

საქართველოს ეროვნულმა ნაკრებმა გიბრალტარი 2-5 გაანადგურა და ჯგუფში პირველ ადგილს იკავებს.

მატჩის შემდეგ მოკლე კომენტარი ხვიჩა კვარაცხელიამ გააკეთა, რომელმაც გოლი და საგოლე პასი მიითვალა.

“გილოცავთ გამარჯვებას, ზედიზედ მეორე თამაში მოვიგეთ, მივდივართ წინ. 12-ში გელოდებათ მოედანზე, კიდევ ერთი გამარჯვება უნდა მოვიპოვოთ თქვენთან ერთად”

ნაკრები 9 ივნისს ჩრდ.მაკედონიას ესტუმრება და შეხვედრა 22:45 წუთზე დაიწყება. 12-ში ბულგარეთს მივიღებთ, 20:00 საათზე.

იასენ პეტროვმა ბულგარეთის ეროვნული ნაკრების მთავარი მწვრთნელის პოსტი დატოვა. 53 წლის სპეციალისტმა ამის შესახებ განცხადება საქართველოსთან განცდილი მარცხის (2:5) შემდეგ გააკეთა.

“მადლობა იმ გულშემატკივრებს, რომლებიც დღევანდელ მატჩზე მოვიდნენ. ნაკრებში დარჩენის მორალური უფლება აღარ მაქვს. იმედი მაქვს, ჩემი შემცვლელი წარმატებული იქნება.

მე უფლება აღარ მაქვს, აღარ… აუხსნელი შეცდომები დაცვაში. ვერ ვხსნი… ეს ერთ-ერთი ყველაზე ცუდი დღეა ბულგარული ფეხბურთის ისტორიაში. გულშემატკივრებს ბოდიშს ვუხდი”, – განაცხადა პეტროვმა.

პეტროვი ბულგარეთის ნაკრებს 2021 წლიდან წვრთნიდა. მისმა გუნდმა ბოლო ხუთი მატჩიდან 3 წააგო, ორჯერ კი ფრე ითამაშა.

საქართველოს ნაკრებმა ბულგარეთის ნაკრები სტუმრად 2-5 გაანადგურდა და ჯგუფს 6 ქულით ლიდერობს.

გოლები კვარაცხელიამ, ზივზივაძემ, ყაზაიშვილმა და დავითაშვილმა გაიტანეს. ერთიც ავტოგოლი იყო.

Sofascore-მა მატჩის საუკეთესო ფეხბურთელად ხვიჩა კვარაცხელია დაასახელა და მას 8.5 ქულა დაუწერა.

შემდეგ ბუდუ ზივზივაძემ 7.2, ზურიკო დავითაშვილმა კი 7.1 ქულა დაიმსახურა.

ყველაზე ცოტა 6.3 ოთარ კაკაბაძემ მიიღო.

შეცვლაზე შემოსულებიდან მიქაუტაძემ – 7.0.