პაიემ “ლიონის” პრეზიდენტს დასცინა: “სასწრაფოდ, ტემპერატურა გაუზომეთ!”
“მარსელის” ვარსკვლავი დიმიტრი პაიე “ლიონის” პრეზიდენტის იდეას გამოეხმაურა, რომლის მიხედვითაც საფრანგეთის ჩემპიონატი აღარ უნდა გაგრძელდეს და შედეგებიც უნდა ანულირდეს.
ჟან-მიშელ ოლასის აზრით, 2019-20 წლების სეზონი “თეთრ სეზონად” უნდა გამოცხადდეს. ამ შემთხვევაში საფრანგეთს არც ჩემპიონი ეყოლება და არც დაბალ დივიზიონში დაქვეითებული კლუბები.
“ნუთუ მართლა სერიოზულად ამბობს ამას?” – კითხულობს პაიე სოციალურ ქსელში გამოქვეყნებულ პოსტში.
“ის არანორმალურია! სასწრაფოდ, ტემპერატურა გაუზომეთ! როგორია ამჟამინდელი სატურნირო მდგომარეობა? 28 ტურის შემდეგ? გასაგებია, კარგი მცდელობა იყო!” – დაამატა პაიემ.
🤣🤣🤣 mais il est sérieux celui là ? @JM_Aulas #ilACraqué #ilFautPrendreSaTempératureVite #C’estQuoiLeClassementActuel? #Aprés28Journées? #AhD’accordJ’aiCompris🤣#C’estBienTenté #MaisLoL pic.twitter.com/2XFnncpO6B
— Dimitri Payet (@dimpayet17) March 13, 2020
