პანდემია “ჯენოაში”: 14 კოვიდინფიცირებული

თარიღი: სექტემბერი 29, 2020

“ჯენოაში” დღევანდელი კოვიდშემოწმების შემდეგ 14 ტესტზე დადებითი პასუხი დაფიქსირდა. ინფიცირებულნი არიან როგორც ფეხბურთელები, ასევე კლუბის პერსონალი.

კლუბში კორონავირუსის პირველი შემთხვევა ჯერ კიდევ კვირას “ნაპოლის” წინააღმდეგ გამართულ მატჩამდე (0:2) დაფიქსირდა. ამ მიზეზის გამო ნეაპოლში გუნდს მეკარე მატია პერინი და ნახევარმცველი ლასე შიონე არ გაჰყვნენ.

“ჯენოადან” მოსული ინფორმაციის შემდეგ “ნაპოლიმ” კორონავირუსზე ფეხბურთელთა საგანგებო შემოწმება გადაწყვიტა.

გენუელებს მომდევნო შეხვედრა 3 ოქტომბერს “ტორინოს” წინააღმდეგ აქვთ ჩანიშნული, “ნაპოლი” კი 4 ოქტომბერს ტურინის “იუვენტუსს” უნდა ეთამაშოს.



მსგავსი სიახლეები