“პარი სენ-ჟერმენის” დირექტორი “რეალისთვის” სანქციების დაწესებას ითხოვს

თარიღი: ოქტომბერი 10, 2021

კილიან მბაპეს სატრანსფერო საგა გრძელდება. “პარი სენ-ჟერმენის” სპორტულმა დირექტორმა, ლეონარდომ, პრესასთან “რეალისთვის” სანქციების დაწესების საჭიროებაზე გააკეთა აქცენტი.

“ყველამ იცის, რომ ჩვენ ერტი მიზანი გვაქვს – გვსურს, რომ მბაპემ “პარი სენ-ჟერმენსი” ითამაშოს. კილიან მბაპე ჩვენი კლუბის წარმომადგენელია, ის ნამდვილი მარგალიტია, მსოფლიოში ერთ-ერთი საუკეთესოა.

ვფიქრობ, “რეალი” სანქციების დაწესებას იმსახურებს, რამდენადაც ისინი მუდმივ კონტაქტში იმყოფებიან კილიანთან. კილიანი ჩვენი ფეხბურთელია და მასთან ჩვენთვის გვერდის ავლით ურთიერთობა დაშვებული არ არის,” – აცხადებს ლეონარდო.

შეგახსენებთ, რომ ზაფხულის სატრანსფერო ფანჯრის მიწურულს “რეალმა” ფრანგულ გრანდს 180 მილიონი ევრო შესთავაზა მბაპეს ტრანსფერში, თუმცა უარი მიიღო.



მსგავსი სიახლეები