“პარი სენ-ჟერმენის” პრეზიდენტი : “იუვენტუსი” ჩვენი მთავარი კონკურენტია ჩემპიონთა ლიგაზე”

“პარი სენ-ჟერმენის” პრეზიდენტი ნასერ ალ-ხელაიფი პრესასთან საუბრისას აღიარებს, რომ პარიზული გრანდის მთავარ კონკურენტად ტურინის “იუვენტუსს” მიიჩნევს.

შეგახსენებთ, რომ ზაფხულის სატრანსფერო ფანჯარაზე “ბებერმა ქალბატონმა” იტალიური ფეხბურთის სატრანსფერო რეკორდი დაამხო და კრიშტიანუ რონალდუს ტრანსფერში 100 მილიონი ევრო გადაიხადა. რონალდუ, “იუვენტუსის” მსგავსად მთავარ მიზნად ჩემპიონთა ლიგის მოგებას ისახავს.

“იუვენტუსი”, კრიშტიანუ რონალდუსთან ერთად, ჩვენი მთავარი კონკურენტია ჩემპიონთა ლიგაზე. გილოცავთ!” – განაცხადა ალ-ხელაიფმა ევროპული კლუბების ასოციაციის მიერ მოწყობილ დაჯილდოების საღამოზე.