“პარი სენ-ჟერმენმა” ჰაკიმის ტრანსფერი შეათანხმა

“პარი სენ-ჟერმენის” ხელმძღვანელებმა “ინტერთან” აშრაფ ჰაკიმის ტრანსფერი შეათანხმეს. ინფორმაციას გავლენიანი იტალიელი ჟურნალისტი ფაბრიციო რომანო ადასტურებს.

იტალიური კლუბი ამ ტრანსფერის შედეგად 60 მილიონ ევროს მიიღებს, რასაც, შესაძლოა, ბონუსების სახით გაწერილი 10 მილიონი ევრო დაემატოს.

22 წლის აშრაფ ჰაკიმი პარიზულ გრანდში სამედიცინო შემოწმებას მომავალ კვირას გაივლის და კლუბთან ხელშეკრულებას 2026 წლამდე გააფორმებს.

აღსანიშნავია ისიც, რომ ჰაკიმი პარიზში ხელფასის სახით წელიწადში 10 მილიონ ევროს მიიღებს, რაც ორჯერ უფრო მეტია, ვიდრე მისი მილანური ხელფასი.

მიმდინარე სეზონში ჰაკიმიმ სერია A-ს 37 მატჩში მიიღო მონაწილეობა, გაიტანა 7 გოლი და გააკეთა 8 საგოლე გადაცემა.