“პარი სენ-ჟერმენმა” ნეიმარი “ნიმთან” მატჩის განაცხადში არ შეიყვანა

“პარი სენ-ჟერმენის” ბრაზილიელი სუპერვარსკვლავი, ნეიმარ ჟუნიორი, ლიგა 1-ის გახსნითი მატჩის განაცხადს მიღმა გახლავთ დატოვებული. ბუნებრივია, ეს ნეიმარის გარშემო არსებული სატრანსფერო სპეკულაციებით არის განპირობებული.

შეგახსენებთ, რომ რამდენიმე კვირის წინ ნეიმარმა აღიარა, რომ პარიზში გადაბარგებას შეცდომად მიიჩნევდა და “ბარსელონაში” სურდა დაბრუნება. ამ დროისთვის კი პრესის ცნობით ეს უკანასკნელი “რეალში” გადასვლასთან უფრო ახლოს გახლავთ.

“ნეიმარის მომავალთან დაკავშირებით მოლაპარაკებები ახალ ეტაპზე გადავიდა, თუმცა შეთანხმება ჯერ არ შემდგარა. ჩვენთვის მნიშვნელოვანია, რომ იმ ფეხბურთელებმა ითამაშონ, რომელთა მომავალიც უკვე გადაწყვეტილია,” – აცხადებს “პსჟ”-ს სპორტული დირექტორი ლეონარდო.