პატო: “იმედი მაქვს, “ჩელსის” ამ ნდობისთვის გადავუხდი”
თარიღი: იანვარი 30, 2016
როგორც მოგეხსენებათ, ლონდონის “ჩელსიმ” “კორინთიანსის” თავდამსხმელი ალეშანდრე პატო იჯარის წესით აიყვანა. 26 წლის ბრაზილიელი ფეხბურთელის შრომითი ხელშეკრულება ძალაში მიმდინარე სეზონის ბოლომდე იქნება.
“ძალზედ ბედნიერი ვარ იმით, რომ “ჩელსის” მოთამაშე გავხდი. ველოდები იმ მომენტს, როდესაც ახალ თანაგუნდელებს გავიცნობ. ძალიან მინდა მოედანზე გასვლა. მადლობას ვუხდი “ჩელსის” მხარდაჭერისთვის და იმედი მაქვს, რომ კლუბსა და ფანებს ამ ნდობისთვის გადავუხდი”, – ციტირებს პატოს სიტყვებს კლუბის ოფიციალური ვებგვერდი.
შეგახსენებთ, რომ ალეშანდრე პატოს ევროპაში თამაშის გამოცდილება აქვს. ბრაზილიელი ფეხბურთელი 2007-დან 2013 წლამდე “მილანის” ღირსებას იცავდა.
მსგავსი სიახლეები