პაულო აუტუორი: “უფრო მეტი გოლის გატანა შეგვეძლო”

“ლუდოგორეცის” მთავარმა მწვრთნელმა, პაულო აუტუორიმ ქუთაისის “ტორპედოსთან” მოგებული მატჩის შემდეგ ჟურნალისტებთან ისაუბრა.

“ვულოცავ “ლუდოგორეცის” ფეხბურთელებს. ასევე, “ტორპედოს” კარგ თამაშს ვულოცავ. მეტი გოლის გატანა შეგვეძლო, გამოვარჩევ როინ კვასხვაძის კარგ თამაშს. მოხარული ვარ, რომ გამარჯვება მოვახერხეთ. ჩემ გუნდს თამაში სწორად არ დაუწყია, დასახულო გეგმას ვერ მივყვებოდით, მაგრამ შემდეგ სიტუაცია გამოსწორდა. მეორე ნახევარში კი თამაშს ვაკონტროლებდით. წინ მეორე მატჩია, რომელიც მაღალ დონეზე უნდა ჩავატაროთ.

“ლუდოგორეცი” გასულ კვირას ბულგარეთში პრინციპულ მეტოქეს ეთამაშა. “ტორპედო” უფრო დასვენებული იყო. ვფიქრობ, ტემპსაც მეტოქე გვკარნახობდა”, – განაცხადა აუტუორიმ.