პედი პიმბლეტი: “ქართველებს ჩემი მისამართი გავუგზავნე, მაგრამ არავინ მოსულა”
UFC-ის ახალწვეულმა, პედი პიმბლეტმა გურამ ქუთათელაძისა და ქართველების მიმართ კვლავაც აგრესიულად ისაუბრა.
ინგლისელმა მებრძოლმა რამდენიმე კვირის წინ სოციალურ ქსელში ქართველებს “სულელი” უწოდა და ასეთი რამ დაწერა: “არ მიკვირს, რომ მათ რუსები ატერორებენ.” მოგვიანებით, მან ეს პოსტი წაშალა, თუმცა ახლა აცხადებს, რომ ქართველების გაღიზიანებას კვლავაც შეეცდება.
“ქართველები მწერდნენ, რომ მე და ჩემი ოჯახის წევრებს მოგვკლავდნენ, მაგრამ ეს არაფერს ნიშნავს. ამაზე მეცინებოდა. საერთოდ არ ვიცოდი, რომ საქართველოსა და რუსეთს შორის ომი იყო. ვეკითხები ქართველებს, იციან რას ნიშნავს ჰილსბორო?
მე გურამს ყალბი რუსი ვუწოდე, რადგან დაღესტნელს ჰგავს. ამან ქართველები გააღიზიანა და მათ მიმოწერა დაიწყეს. თუ მათ ეს აღიზიანებთ, ამას ისევ გავაკეთებ. პირველი, ვინც ჩვენს შორის ლაპარაკი დაიწყო, გურამი იყო. გურამი ვერ წავა და ხვალ სახეს ვერ შეიცვლის. მას ათასობით და ათასობით ევრო დასჭირდება პლასტიკური ოპერაციისათვის. მან ბავშვი მიწოდა, რადგან კარგად გამოვიყურები და ბავშვს ვგავარ. ის 45 წლის კაცს ჰგავს, რომელსაც შვიდი შვილი ჰყავს.
თუ ქუთათელაძე თავის მომდევნო ბრძოლას მოიგებს, მომავალში მას შევხვდები და დავამარცხებ, რათა ყველა ქართველს, ვინც ინსტაგრამზე მწერს, მოვაკეტინო. რამდენიმე ქართველს ჩემი მისამართი გავუგზავნე და ვუთხარი – მოდით და მნახეთ. არავინ მოსულა”, – თქვა პედი პიმბლეტმა რუსულ RT Sport MMA-სთან ინტერვიუში.
