პედრო: “არ ვნანობ, რომ “ბარსელონა” “ჩელსიში” გავცვალე”

ლონდონის “ჩელსის” ესპანელი ფეხბურთელი, პედრო ირწმუნება, რომ მისთვის ლონოდნურ კლუბში გადასვლას იმედები არ გაუცრუვებია და არ ნანობს, რომ ზაფხულში “ბარსელონა” “ჩელსიში” გაცვალა.

“აქ თავს ძალიან ბედნიერად ვგრძნობ და არ ვნანობ, რომ “ჩელსიში” გადმოვედი. არის თუ არა ჩემგან მოსალოდნელი საუკეთესო? აბსოლიტურად. ჩემი შესაძლებლობებში ყოველთვის დარწმუნებული ვარ.

მოუთმენლად ველი მომდევნო სეზონის დაწყებას, გვინდა რომ წარმატებებს მივაღწიოთ და კლუბი დავაბრუნოთ იქ, სადაც უნდა იყოს. მინდა პრემიერ ლიგა მოვიგო, ეს ჩემი ოცნებაა.” – განაცხადა ესპანელმა.

შეგახსენებთ, რომ პედრომ მხოლოდ 7 გოლის გატანა შეძლო “ლურჯების” რიგებში ჩატარებულ 29 მატჩში. ლონდონურმა კლუბმა კი ევროტურნირების საგზურის მოპოვება ვერ მოახერხა.