პედრო: “სუპერთასის მოგება თვითრწმენას გაგვიმყარებს”

ლონდონის “ჩელსის” თავდამსხმელმა, პედრომ უეფას სუპერთასზე, “ლივერპულთან” გასამართ მატჩამდე ერთი დღით ადრე სტამბულში, “ვოდაფონ პარკზე” პრესკონფერენცია გამართა.

“ხვალ ფინალია, ჩვენთვის დიდი მატჩია. გვინდა, რომ ტიტული მოვიგოთ. გამარჯვება თვითრწმენას გავიმყარებს. კომპაქტურად უნდა ვითამაშოთ და ხოლო საგოლე მომენტები გამოვიყენოთ.

როცა ასეთ ტიტულს იგებ, მომავალში უფრო თავდაჯერებული ხარ. ცხადია, ყველას მსგავსად, გამარჯვება მეც მინდა.

რამოსი თუ ვან დეიკი? ამ მომენტისათვის ეს ორი მცველი მსოფლიოში საუკეთესოა. სერხიო რამოსი ძალიან კარგია, მას კარგად ვიცნობ. ვან დეიკიც კარგი და ძლიერი მცველია, მასაც რამოსის მსგავსად კარგი პასი აქვს.

“ჩელსის” ფეხბურთელები ძალიან მოტივირებულები ვართ. ძალიან გამიხარდება, თუ სტამბოლში ჩემთვის კიდევ ერთ ტიტულს მოვიგებ”, – განაცხადა პედრომ.

შეგახსენებთ, რომ “ლივერპული”-“ჩელსის” დაპირისპირება 14 აგვისტოს, თბილისის დროით 23:00 საათზე დაიწყება.

სპეციალურად სტამბოლიდან, Fanebi.Com