პელე: “ოლიმპიადაზე არასდროს მითამაშია, იქნებ ახლა დავეხმარო ნაკრებს”

ლეგენდარულმა ბრაზილიელმა ფეხბურთელმა პელემ ხუმრობით თქვა, რომ 2016 წელს რიო დე ჟანეიროში გასამართ ოლიმპიურ თამაშებზე მონაწილეობის მიღებას აპირებს.

“16 წლის ასაკში ბრაზილიის ნაკრებში მოვხვდი, შემდეგ იყო შვედეთის მსოფლიოს ჩემპიონატი, სადაც ჩემპიონები გავხდით. იმ პერიოდში პროფესიონალ ფეხბურთელებს ოლიმპიადაზე თამაშის უფლება არ ჰქონდათ.

ეს ერთადერთი ტიტულია, რომელიც ბრაზილიის ნაკრებს არ მოუგია. ეს ერთადერთი ტურნირი, სადაც არ მითამაშია. წელს ოლიმპიადა ჩვენთან, რიოში ჩატარდება.

ასე რომ, ოლიმპიადაზე სათამაშოდ კარგად უნდა მოვემზადო. შესაძლოა, ბრაზილიის ნაკრებს ოქროს მედლების მოგებაში დავეხმარო. წინ კიდევ ხუთი თვეა, მზად უნდა ვიყო”, – ციტირებს პელეს სიტყვებს Goal.com-ი.