პელეგრინი: „აგუერო საუკეთესო ფეხბურთელთა შორის მესამე ადგილზეა“

როგორც მოგეხსენებათ, პრემიელრიგის XII ტურში „მანჩესტერ სიტიმ” „ტოტენჰემ ჰოთსპური“ ანგარიშით 6:0 გაანადგურა. დუბლი შეასრულა სერხიო აგუერომ, რომელიც 10 გატანილი გოლით ჩემპიონატის ბომბარდირთა შორის პირველ ადგილზეა. დუბლი ხესუს ნავასმაც გაახერხა, კინკილა გოლი ალვარო ნეგრედოს ანგარიშზეა, ერთი ბურთი კი სანდრომ ჩაჭრა საკუთარ კარში.

მატჩის შემდეგ მანუელ პელეგრინიმ გუნდის შეტევითი ხაზის მიმართ საქებარი სიტყვები არ დაიშურა.

„ნეგრედო ძალზედ კმაყოფილია იმით, როგორც განვითარდა მისი კარიერა ინგლისში. ჩემი აზრით, აგუერო მისთვის იდეალური პარტნიორია. სერხიო უმაღლესი დონის ფეხბურთელია. ლეო მესისა და კრიშტიანო რონალდუს შემდეგ სწორედ აგუერო დგას. ის მსოფლიოს მასშტაბით საუკეთესო მოთამაშეთა შორის მესამე ადგილზეა. ჩვენ შემტევ ფეხბურთს ვთამაშობთ. ასეთ სტილში თამაში აგუეროსთვისაც კომფორტულია“, – აღნიშნა პელეგრინიმ.

ბექა დოგრაშვილი