პელეგრინი: “მნიშვნელოვანია იმის დამტკიცება, რომ “მან.სიტი” ერთ-ერთი საუკეთესოა”
მანუელ პელეგრინი ჩემპიონთა ლიგის 1/8 ფინალური განმეორებითი მატჩისთვის ემზადება.
პირველი მატჩი, რომელიც ინგლისში გაიმართა, სტუმრებმა 1:2 მოიგეს, ხოლო “ეტიჰადის” ბინადრები კატალონიაში რთული მისიის შესასრულებლად ჩადიან.
“ჩვენ უნდა ვითამაშოთ ისე, როგორც ინგლისში მეორე ტაიმი. პირველ ნახევარში “ბარსელონა” აკონტროლებდა თამაშს, მაგრამ ბევრი მომენტი გვქონდა. უნდა ვითამაშოთ სრული ძალებით და მჯერა, რომ “მანჩესტერ სიტის” მომდევნო ეტაპზე გასვლა შეუძლია”.
“მნიშვენლოვანია, ბურთი ვაკონტროლოთ. “ბარსელონამ” ინგლისში სწორედ ამ ფაქტორის გამო დაგვამარცხა. “ბლაუგრანას” დამარცხებით უნდა დავამტკიცოთ, რომ “მან.სიტი” მსოფლიოში ერთ-ერთი საუკეთესო გუნდია”.
“ჩვენ გვხვდება ძალიან ძლიერი მეტოქე, მაგრამ ფეხბურთის ფენომენი სწორედ ისაა, რომ მოედანზე ყველაფერი შეიძლება მოხდეს. კარგი თამაშით ნებისმიერი ბარიერის გადალახვაა შესაძლებელი,”-განაცხადა პელეგრინიმ.
