პელეგრინი: “სერხიო აგუერო თავის საუკეთესო ფორმაშია”

ინგლისის პრემიერლიგის 23-ე ტურში “ვესტ ჰემსა” და “მანჩესტერ სიტის” შორის გამართული შეხვედრა ფრედ, ანგარიშით 2:2 დასრულდა. მატჩი “ქალაქელთა” მთავარმა მწვრთნელმა მანუელ პელეგრინიმ შეაფასა.

“ფრე ის შედეგი არ არის, რაც მატჩამდე გვინდოდა. თუ მთლიანი შეხვედრის ანალიზს გავაკეთებთ, ორი-სამი საგოლე მომენტი გვქონდა. რთული მატჩი გამოვიდა და უკმაყოფილო ვარ იმ ეპიზოდით, როდესაც მეორე გოლი გავუშვით.

თანაბარი შეხვედრა იყო და ორივე გუნდი ქომაგებმა ისიამოვნეს. თამაში კარიდან კარამდე მიდიოდა, ვინაიდან ორივე გუნდი უტევდა.

სერხიო აგუერომ კარგი მატჩი ჩაატარა და გოლების გატანაც შეძლო. ვფიქრობ, იგი თავის საუკეთესო ფორმაშია.

რაც შეეხება ვენსან კომპანის, მის გამოჯანმრთელებას კიდევ რამდენიმე კვირა სჭირდება”, – აღნიშნა პელეგრინიმ.