პელეგრინი: „ზამთარში შიდა ჩემპიონატის ერთი კლუბიდან მეორეში გადასვლა არასწორია“
„მანჩესტერ სიტის“ თავკაცმა მანუელ პელეგრინიმ ხუან მატას „მანჩეტერ იუნაიტედში“ ტრანსფერთან დაკავშირებით ისაუბრა.
„იუნაიტედი“ ძლიერ ფეხბურთელს იმატებს, თუმცა, პირადად მე, ვთვლი, რომ მსგავსი ტრანსფერები სეზონის მიმდინარეობისას არ უდნა ხდებოდეს.
ფეხბურთელები ერთი ჩემპიონატის ერთი კლუბიდან მეორეში იანვარში არ უნდა გადადიოდნენ.
ტურნირის ამჟამინდელ სტადიაზე ეს არაკორექტულია. შესაძლოა, არსენ ვენგერი მართალი იყო, როდესაც შეგვახსენა, რომ „ჩელსიმ“ „იუნაიტედის“ წინააღმდეგ უკვე ორჯერ ითამაშა, თუმცა მე საერთო მაგალითი მომყავს.
ჩემი აზრით, თუ ფეხბურთელებმა თავისი გუნდის მაისურით 5-6 მატჩი ითამაშა, იგი შიდა ჩემპიონატის სხვა გუნდში ასეთ დროს არ უნდა გადადიოდეს.
კანონი – კანონია, იგი უნდა დავიცვათ, მაგრამ მისი შეცვლის მომხრე ვარ. არ ვამბობ, რომ სატრანსფერო ფანჯარა უნდა გაუქმდეს, უბრალოდ, მცირე ცვლილებების შეტანა ურიგო არ იქნებოდა“, – აცხადებს ჩილელი სპეციალისტი.
ალექსანდრე მატევოსოვი
