პეპ გვარდიოლას პირველი კომენტარი ჩემპიონთა ლიგიდან გამოვარდნის შემდეგ
“მანჩესტერ სიტის” მთავარმა მწვრთნელმა, პეპ გვარდიოლამ ჩემპიონთა ლიგის მეოთხედფინალური ეტაპიდან გამოვარდნის შემდეგ პრესასთან ისაუბრა და მეტოქე გუნდს (“ლივერპული”) წარმატებები უსურვა.
“პირველ რიგში, მინდა მივულოცო “ლივერპულს” ეს წარმატება – შესანიშნავი გუნდი ბრწყინვალე მწვრთნელით. ჩემი აზრით, ისინი ფინალში ყოფნას იმსახურებენ.
აგრეთვე მინდა მივულოცო ჩემს ფეხბურთელებსაც ასეთი თამაშის ჩვენებისთვის. მათ დიდი წინააღმდეგობა გაუწიეს მეტოქეს. აქამდე მოსვლა ძალიან რთული იყო, მაგრამ ახლა მხოლოდ პრემიერ ლიგაზე უნდა ვიფიქროთ.
პირველ ნახევარში ყველაფერი იდეალურად გავაკეთეთ. ძალიან ბევრი შანსი შევქმენით, მაგრამ რთულია იმ გუნდის წინააღმდეგ თამაში, რომელიც დაცვაში 11 კაცით თამაშობს.
ახლა ზედიზედ სამი თამაში გვაქვს წაგებული, თუმცა ფაქტი, რომ პრემიერ ლიგის სათავეში ვიმყოფებით, თავად მეტყველებს, თუ რამდენად ძლიერები ვართ.
შეუძლებელია მუდმივად რიტმში ყოფნა. არ ვიცი, იქნებ მომავალში რაღაც გასაგები ვიპოვო. ახლა მხოლოდ ის შემიძლია, რომ ფეხბურთელებს მადლობა გადავუხადო, ” – აცხაედებს პეპ გვარდიოლა.
