პეპემ “ატლეტიკოსთან” მატჩში ნეკნები გაიტეხა
თარიღი: აპრილი 9, 2017
ესპანეთის პრიმერადივიზიონის 31-ე ტურში მადრიდის “რეალსა” და “ატლეტიკოს” შორის გამართულ მატჩში (1:1) “სამეფო კლუბის” ცენტრალურმა მცველმა პეპემ ტრავმა მიიღო.
პორტუგალიელი ფეხბურთელი შეხვედრის მეორე ტაიმში თანაგუნდელ ტონი კროოსს შეეჯახა და სამედიცინო დახმარება ითხოვა. ამის შემდეგ მან მოედანზე დაბრუნება შეძლო, მაგრამ ცოტა ხანში შეცვალეს.
მატჩის შემდეგ პეპემ სამედიცინო შემოწმება გაიარა და ექიმებმა გაარკვიეს, რომ პორტუგალიელს ორი ნეკნი გატეხილი აქვს.
ჯერჯერობით უცნობია, თუ როდის შეძლებს 34 წლის ფეხბურთელი მოედანზე დაბრუნებას, თუმცა იმის თქმა კი შეიძლება, რომ პეპეს ჩემპიონთა ლიგის მეოთხედფინალურ ეტაპზე მიუნხენის “ბაიერნის” წინააღმდეგ გასამართი ორივე მატჩის გამოტოვება მოუწევს.
მსგავსი სიახლეები