პერესი რონალდუსა და ბენზემას გაყიდვას გეგმავს

მიმდინარე სეზონის ბოლოს “სამეფო კლუბის” პრეზიდენტი დიდ ცვლილებებს გეგმავს.

როგორც Sport.es იტყობინება, მადრიდის “რეალის” პრეზიდენტს ფლორენტინო პერესს, კლუბში საკადრო ცვლილებების განხორციელება სურს.

ცნობილია, რომ პერესი ორი თავდამსხმელის, კრიშტიანუ რონალდუსა და კარიმ ბენზემას გაყიდვას გეგმავს. მათ ნაცვლად კი მიუნხენის “ბაიერნიდან” რობერტ ლევანდოვსკის, ხოლო ლონდონის “ჩელსიდან” ედენ აზარის მოყვანა სურს.

აგრეთვე, მომავალი ზაფხულის სატრანსფერო ფანჯრის პერიოდში, პერესი “მანჩესტერ იუნაიტედის” გოლკიპერის, დავიდ დე ხეას გადაბირებას კიდევ ერთხელ ეცდება.

წყაროზე დაყრდნობით, ამგვარი გეგმების რეალიზება მიმდინარე სეზონში კლუბის მიერ ნაჩვენებ შედეგზე დამოკიდებული არ იქნება.