პერიშიჩმა მთავარი მიზეზი დაასახელა, რის გამოც “ინტერში” დარჩა
მილანის “ინტერის” ხორვატი შემტევი, ივან პერიშიჩი აღიარებს, რომ საკმაოდ ახლოს იყო კლუბის დატოვებასთან, მაგრამ ლუსიანო სპალეტიმ დაარწმუნა, რომ დარჩენა საუკეთესო ვარიანტი იყო. პერიშიჩმა ეს განცხადება “კიევოსთან” მოპოვებული გამარჯვების (5-0) შემდეგ გააკეთა.
“მნიშვნელობა არ აქვს, ვინ გაიტანს, მთავარია გუნდმა მოიგოს. ასე უნდა გავაგრძელოთ, თუ გვინდა, რომ სეზონი წარმატებულად დავასრულოთ. ამ მომენტს დიდი ხანი ველოდებოდით და ახლა ჩვენი მიზანი “იუვენტუსის” დამარცხებაა.
სპალეტიმ ყველა ფეხბურთელი ერთად შეგვკრიბა და გვითხრა, რომ თითოეული ჩვენგანი სჭირდებოდა, რაც დღესაც დამტკიცდა. ყველამ შეძლო ამ გამარჯვებაში თავისი წვლილის შეტანა.
სპალეტი ერთ-ერთი უმთავრესი მიზეზია, რის გამოც დარჩენა გადავწყვიტე, მან დამარწმუნა,” – აცხადებს პერიშიჩი, რომლის გუნდიც ამ დროისთვის სერია ა-ს სატურნირო ცხრილში პირველ პოზიციაზე იმყოფება.
