ფალკაო: “ჩელსიში” დარჩენის გამო ორ ჩინურ კლუბს ვუთხარი უარი”

რადამელ ფალკაომ, რომელიც ამჟამად ლონდონის “ჩელსის” ღირსებას იცავს, აღიარა, რომ ზამთრის სატრანსფერო ფანჯრის მიმდინარეობისას მისი გადაბირების სურვილი ორმა ჩინურმა კლუბმა გამოთქვა.

“მართალია, რომ ორი განსხვავებული ჩინური კლუბისგან მივიღე შემოთავაზება. მაგრამ მე ინგლისში დარჩენა ვამჯობინე, რათა ჩემი თავისთვის კიდევ ერთი შანსი მიმეცა.

ჩინეთში წასვლა ყველაზე ადვილი გადაწყვეტილება იქნებოდა, რამეთუ წინადადებები მართლაც რომ დიდებული იყო. თუმცა აქ დარჩენა და ადგილისთვის ბრძოლა გადავწყვიტე.”

შეგახსენებთ, რომ ლონდონის “ჩელსი” პრემიერ ლიგის ეგიდით შაბათს “ვესტ ჰემს” დაუპირისპირდება, თუმცა ამ მატჩში ფალკაო “არისტოკრატების” დახმარებას ვერ შეძლებს – კოლუბმიელი ფორვარდი ტრავმირებულია.