ფალკონზმა ბორჯღალოსნების წინააღმდეგ სამატჩო რაზმი დაასახელა

28 აგვისტოს, ბორჯღალოსნები მსოფლიო თასის მზადების ფარგლებში პირველ საკონტროლო მატჩს გამართავენ, რომელშიც ინგლისის ავივა პრემიერშიპის ნიუქასლფალკონზს შეერკინებიან. როგორც ადრე მოგახსენეთ, ჩვენი ნაკრები რამდენიმე დღეა რაც მსოფლიო თასის სამზადისის მესამე ფაზას, ინგლისში, სარის სპორტულ ცენტრში გადის.

გუნდი ნიუკასლისლში დღეს დილით გაემგზავრა და ჩვენი დროით 22 საათზე კაპიტნის ვარჯიშს კინგსთონ პარკზე გამართავს. შეგახსენებთ, რომ შეხვედრაზე არანაირი ტელეგადაღება არ იწარმოებს და თამაშის ხილვა არც ინტერნეტ სტრიმით იქნება შესაძლებელი. მატჩის მსვლელობისას ტექსტური ლაივი  საქართველოს რაგბის კავშირის სოციალური მედიის პლატფორმებზე (Facebook, Twitter) და ნიუქასლ ფალკონზისთვითერზე იწარმოებს. ვიდეო ჩანაწერი 29 აგვისტოს საქართველოს რაგბის კავშირის ოფიციალურ YouTube არხზე და სხვა პლატფორმებზე განთავსდება.

ჩვენი ნაკრების სამატჩო რაზმი ხვალ დილით გახდება ცნობილი. ამასობაში ნიუქასლმა, რომელიც 2015-16 წლის სარაგბო სეზონს ბორჯღალოსნების წინააღმდეგ თამაშით გახსნის, რკენისთვის შემადგენლობა დაასახელა. მათი განცხადებით, საქართველოს ეროვნული ნაკრების წინააღმდეგ თამაში მათთვის ძალზე მნიშვნელოვანია, რის გამოც კლუბმა აქცენტი კარგა გამოცდილ მოთამაშეებზე გააკეთა, თუმცა თავის გამოჩენის შესაძლებლობა რამდენიმე ახალბედასაც მიეცემა.

ხვალინდელ შეხვედრაში ბორჯღალოსნების წინააღმდეგ ძმებ ტუილანგების ერთ-ერთი წარმომადგენელიც, ენდი (ანიტელეა) ტუილანგიც ითამაშებს. მისი უფროსი ძმა ალესანა კი სამატჩო რაზმში არ მოხვდა.

„ეს ჩვენთვის დიდი გამოცდა იქნება, რომელსაც მოუთბენლად ველით. ქართველებს ბევრი ძალიან კარგი მორაგბე ყავთ, რომლებიც საფრანგეთში უმაღლეს დონეზე თამაშობენ, შესაბამისად ჩვენი ბიჭებისთვის ეს ფასდაუდებელი გამოცდა იქნება.“ განაცხადა დინრიჩარდსმა, ფალკონზის მთავარმა მწვრთნელმა.

ნიუქასლ ფალკონზის შემადგენლობა საქართველოს წინააღმდეგ

15 ქრეიგ უილისი, 14. ალექს თეითი, 13. ქრის ჰარისი, 12. ედამ პოუელი, 11. ენდი ტუილანგი, 10. ტომ ქეთერიქი, 9. რუკი ტიპუნა
1. რობ ვიქერსი, 2. სქოთ ლოუსონი, 3. სქოთ უილსონი, 4. ქელუმ გრინი, 5. სქოთ მაქლოუდი, 6. რიცარდ მეიჰიუ, 7. უილს უელში, 8. ალი ჰოგი.

მარქაფა: 16. ბენ ჰარისი, 17. ჯორჯ მაქგიგენი, 18. ალექს როჯერსი, 19. შონ რობინსონი, 20. მარკ უილსონი, 21. დენიელ თემი, 22. დენ მარშალი, 23. რორი დოუსონი, 24. ბრეთ ქონონი

Rugby.ge