ფანებს ბეილი სძულთ, მწვრთნელი მას არ ენდობა – რატომ რჩება?

თარიღი: ივლისი 27, 2020

საფეხბურთო სამყაროში მსგავსი შემთხვევა არც თუ ისე ხშირია. გარეტ ბეილი ესპანეთის დედაქალაქში არაერთხელ დააყენეს მტკივნეული რეალობის წინაშე – ფანებს ის უკვე შესძულდათ, მწვრთნელი კი ნდობას არ უცხადებს.

იბადება კითხვა, თუ რატომ რჩება უელსელი ფეხბურთელი, რომელიც ერთ დროს მსოფლიოს საუკეთესო ფეხბურთელობაზე აცხადებდა პრეტენზიას, “რეალის” სათადარიგოთა სკამზე? პასუხის ძიება დიდ დროს არ წაგვართმევს – ბეილმა არჩევანი ფულის კეთებაზე გააკეთა, თუნდაც ამის გამო უთავმოყვარეო ადამიანის იარლიყი მიაკრან.

გარეთ ბეილის რეგრესის ყველაზე თვალსაჩინოდ საჩვენებლად Transfermarkt-მა მარტივი დიაგრამა შემოგვთავაზა, სადაც ჩანს, თუ როგორ იკლებს უელსელი ვარსკვლავის ღირებულება სატრანსფერო ბაზარზე.

გარეტ ბეილი, რომელიც 2010 წლიდან 2017 წლამდე პროგრესირებდა, ახლა კი არაფრით განსხვავდება კარიერა დასრულებული ფეხბურთელებისგან – თუმცა უნდა აღინიშნოს, რომ ისინი კლუბისგან დღეში 40 ათას ევროს არ იღებენ. უელსელი არც ირონიულობის დამალვას ცდილობს, რაც ბოლო მატჩებში არაერთხელ დამტკიცდა.

რატომ შეიძულეს ფანებმა ბეილი?

რაც არ უნდა გასაკვირი იყოს, თავად ბეილმა ყველაფერი გააკეთა იმისათვის, რომ ასეთი შედეგი მიეღო. მას საერთოდ არ ეტყობა, რომ მსოფლიოში ერთ-ერთი საუკეთესო კლუბის ბანაკში ყოფნით ბედნიერია.

ამდენი წლის მანძილზე ბეილმა ენაც ვერ შეისწავლა – გასაგებია, შესაძლოა, რთული ენაა. გუნდში არავისთან მეგობრობს – არაუშავს, მთავარია კარგად თამაშობდეს. ტრავმიანობა? ყველას მოსდის მსგავსი რამ. გოლფისადმი სიყვარული – ჩავთვალოთ, როგორც ჰობი. ნაკრებს კლუბზე წინ აყენებს – ეს, შესაძლოა, ზედმეტ პატრიოტიზმს დავაბრალოთ.

თუმცა, 2019/20 წლების სეზონში მან წითელი ხაზები გადაკვეთის რეკორდიც მოხსნა:

1. ბეილის საყვარელი ქმედება სტადიონიდან გაპაარვა გახდა. ტრავმირებული ფეხბურთელები ვალდებულნი არიან “ბერნაბეუზე” გუნდის მატჩებს დაესწრონ, თუმცა კონტრაქტში გაწერილია, რომ მათ 80 წუთის შემდეგ წასვლა შეუძლიათ. ბეილს ამ პუნქტის გამოყენებაზე უარი ერთხელაც არ უთქვამს. მართალია, ამით მას წესები არ დაურღვევია, თუმცა აშკარად დემონსტრირებდა, რომ არ აინტერესებდა, თუ როგორ დასრულდებოდა მატჩი. ის ყოველ ჯერზე საკმაოდ მშვიდად ტოვებდა მოედანს. ყოველივე ეს “ბლანკოსის” ფანების აზრით შეურაცხმყოფელი იყო.

2. რესტარტის შემდეგ ბეილის ქცევებში სარკაზმი იკვეთებოდა ზიდანისა და ხელმძღვანელობის მიმართ. მაგალითად, “ალავესთან” მატჩის ბოლო წუთებში ძილის იმიტაცია გააკეთა. მაშინ, როდესაც ზიდანი ბოლო ცვლილებას აკეთებდა, ირონიულად იცინოდა და ა.შ. ამ ქმედებებით ბეილმა იმ ფანების მხარდაჭერაც კი დაკარგა, რომლებიც მას წარსულში გატანილი მნიშვნელოვანი გოლების გამო სცემდნენ პატივს.

3. გარეტი და მისი აგენტი ყველაფერში კლუბს ადანაშაულებენ. “ბეილი დიდებულია, მაგრამ ზიდანი მას არ აფასებს” – ასეთი რამ თქვა ჯონათან ბარნეტმა მაშინ, როდესაც მისი კლიენტი იმ სეზონის ყოველ 90 წუთში საშუალოდ 0.17 გოლით იჩენდა თავს (ყველაზე ცუდი მაჩვენებელი 10 წლის მანძილზე). გასაკვირი არაა, რომ Marca-ს გამოკითხვაში ფანებმა ბეილი ყველაზე ცუდ ფეხბურთელად დაასახელეს.

რატომ არ ტოვებს ბეილი კლუბს?

დღევანდელი გადმოსახედიდან “რეალის” მთავარი შეცდომა ბეილთან ექვსწლიანი ხელშეკრულების გაფორმება იყო. პერესმა 2016 წელს ბეილი ამ კონტრაქტით მნიშვნელოვან მატჩებში გატანილი გოლებისთვის დაასაჩუქრა და დარწმუნებულები იყავით, რომ ახლა ამ ყველაფერს ძალიან ნანობს.

2018 წლის ფინალში ფანებმა გარეტ ბეილის სასურველი სახე იხილეს. ბეილმა კარიუსს ორი ულამაზესი გოლი გაუტანა და მატჩის საუკეთესო ფეხბურთელიც გახდა. მას შემდეგ რონალდუ წავიდა და უელსელი გუნდის ლიდერი უნდა გამხდარიყო, თუმცა მოვლენები სხვაგვარად განვითარდა. როგორც აღმოჩნდა, რონალდუ ბეილისთვის ინსპირაციის წყარო იყო და არა ხელისშემშლელი ფაქტორი.

ბეილი თავის კონტრაქტს ყველაზე მეტად უფრთხილდება – ის არ აცდენს გუნდის ვარჯიშებს, ღონისძიებებს და ყველაფერს აკეთებს იმისათვის, რომ წელიწადში 15 მილიონი ევრო გამოიმუშავოს.

არც თუ ისე დიდი ხნის წინ “რეალმა” ჩინეთიდან მიიღო შეთავაზება, თუმცა პერესმა ბეილის ტრანსფერის თანხა ვერ შეათანხმა, რაც ასევე სანანებელი გაუხდა – ჩინურ კლუბებს ლეგიონერებში 3 მილიონზე მეტის გადახდა აეკრძალათ. ბეილის მსურველი კი აღარავინაა.

როგორ უნდა მოიქცეს კლუბი?

ყველაზე გონივრული გამოსავალი გარეტ ბეილის რომელიმე გუნდისთვის მიყიდვაა, თანაც რაც შეიძლება მოკლე დროში. ამისათვის კი მყიდველის მიზიდვაა საჭირო, რაზეც უელსელი თავს არ იწუხებს.

არ უნდა გამოვრიცხოთ, რომ ამ გეგმის წარმატებით დასრულების შემთხვევაში ფლორენტინო პერესმა ბეილის წასვლა ისეთივე სიხარულით აღნიშნოს, როგორც ჩემპიონთა ლიგის მოგება.

televizorebi - ტელევიზორები
მსგავსი სიახლეები
ფეხბურთი

გურამ კაშია: “ლოკომოტივი” ჩემს კარიერაში განსაკუთრებულ ადგილს დაიკავებს”

გურამ კაშია თბილისის “ლოკომოტივს” დაემშვიდობა. 33 წლის ფეხბურთელმა სოციალურ ქსელში პოსტი გამოაქვეყნა და განაცხადა, რომ […]...
წაკითხვა
ფეხბურთი

პოლ პოგბამ პრესკონფერენციაზე სპონსორი ჰეინეკენის ბოთლი ქვემოთ დადო (ვიდეო)

15 ივნისს, ევროპის ჩემპიონატზე საფრანგეთის ნაკრებმა გერმანია 1:0 დაამარცხა. მატჩის დასრულების შემდეგ, პრესკონფერენციაზე საინტერესო რამ […]...
წაკითხვა
ფეხბურთი

კილიან მბაპეს საოცარი სისწრაფე გერმანიასთან მატჩში (ვიდეო)

იხილეთ ვიდეო Mbappe great run #mbappe #france #euro2020 pic.twitter.com/fMKm3uX899 — Live Goals 🔴 (@GoalsLive7) June […]...
წაკითხვა
ფეხბურთი

უნგრელმა ფეხბურთელებმა პორტუგალიასთან მარცხის შემდეგ ჰიმნი ფანებთან ერთად შეასრულეს (ვიდეო

15 ივნისს, ევროპის ჩემპიონატზე უნგრეთის ნაკრები პორტუგალიასთან ანგარიშით 0:3 დამარცხდა. ეს შეხვედრა უნგრეთის დედაქალაქ ბუდაპეშტში […]...
წაკითხვა
ფეხბურთი

უეფა “იუვენტუსს” ჩემპიონთა ლიგაზე დაუშვებს

ANSA-ს ცნობით, ევროპული ფეხბურთის მმართველმა ორგანომ ტურინის “იუვენტუსს” აცნობა, რომ მომდევნო სეზონში კლუბს ჩემპიონთა ლიგაზე […]...
წაკითხვა
ფეხბურთი

ხვიჩა კვარაცხელია Golden Boy-ს ნომინანტთა შორის მოხვდა

იტალიურმა გამოცემა “ტუტოსპორტმა” ტრადიციული ჯილდოს – Golden Boy (“ოქროს ბიჭუნა”) 2021 წლის ნომინანტები დაასახელა. ასკაციან […]...
წაკითხვა
ფეხბურთი

გურამ კაშიამ “ლოკომოტივი” დატოვა და ევროპაში მიდის

33 წლის ცენტრალურმა მცველმა გურამ კაშიამ თბილისის “ლოკომოტივი” დატოვა. კაშიას 3 შემოთავაზება აქვს – თემურ […]...
წაკითხვა
ფეხბურთი

კონფერენს ლიგის პირველ საკვალიფიკაციო ეტაპზე ქართული გუნდების მეტოქეები ცნობილია

დღეს შვეიცარიის ქალაქ ნიონში უეფას კონფერენს ლიგის პირველი საკვალიფიკაციო ეტაპის წილისყრა გაიმართა. გაირკვა, ვის დაუპირისპირდებიან […]...
წაკითხვა
ფეხბურთი

კახა ცხადაძე: “ნეფთჩი” აზერბაიჯანის ბრენდია”

თბილისის “დინამოს” მეტოქე ჩემპიონთა ლიგის პირველ საკვალიფიკაციო ეტაპზე ბაქოს “ნეფთჩი” იქნება. “დინამოს” მთავარმა მ...
წაკითხვა
ფეხბურთი

ჩემპიონთა ლიგის პირველ საკვალიფიკაციო ეტაპზე თბილისის “დინამოს” მეტოქე ცნობილი

დღეს შვეიცარიის ქალაქ ნიონში უეფას ჩემპიონთა ლიგის პირველი საკვალიფიკაციო ეტაპის წილისყრა გაიმართა. გაირკვა, ვინ იქნება […]...
წაკითხვა
ფეხბურთი

ბერნარდუ სილვა: “სრულად ვაანალიზებთ, რომ ჩვენ მიმართ მოლოდინები ძალიან მაღალია”

15 ივნისს ევროპის ჩემპიონატის 2020 წლის გათმაშებაში ტურნირის მოქმედი გამარჯვებული, პორტუგალიის საფეხბურთო ნაკრები, ჩაერთვება. ფერნანდუ […]...
წაკითხვა
ფეხბურთი

კრისტიან ერიქსენი საავადმყოფოდან განცხადებას აქვეყნებს

დანიის ნაკრების ფეხბურთელმა კრისტიან ერიქსენმა განაცხადა, რომ ის თავს კარგად გრძნობს და მომდევნო მატჩებში საკუთარ […]...
წაკითხვა