ფატის კვლავ პრობლემები აქვს, “რაიო ვალენკანოსთან” მისი თამაში გამორიცხულია

თარიღი: ოქტომბერი 27, 2021

კატალონიური “ბარსელონას” ახალგაზრდა ვარსკვლავ ანსუ ფატის კვლავ პრობლემები აქვს. კლუბის ოფიციალური ვებ-გვერდის ცნობით, მადრიდის “რეალთან” მატჩის შემდეგ ფატი მარჯვენა მუხლის არეში გრძნობს ტკივილსა და დისკომფორტს.

როგორც იცით, ესპანელი ტალანტი 2020 წლის ნოემბერში მიღებული ტრავმის შემდეგ ლაზარეთში იმყოფებოდა და მხოლოდ ერთი თვის წინ დაუბრუნდა მოედანს. “ბარსელონაში” ფატიზე იმდენად დიდ იმედებს ამყარებენ, რომ სწორედ მას მისცეს მესის 10-ნომრიანი მაისურის ტარების უფლება.

“ბლაუგრანას” ცნობით, ანსუ ფატის თამაში “რაიო ვალენკანოსთან” გამორიცხულია და მხოლოდ სრული სამედიცინო გამოკვლევების ჩატარების შემდეგ გახდება მისი დაბრუნების დრო ცნობილი.



მსგავსი სიახლეები